Скачать или смотреть Թրամփը հայտնել է, որ Tesla մեքենաների նկատմամբ վանդալիզմը կհամարվի որպես ներքին ահաբեկչություն

Թրամփը հայտնել է, որ Tesla մեքենաների նկատմամբ վանդալիզմը կհամարվի որպես ներքին ահաբեկչություն

Դոնալդ Թրամփը երեքշաբթի նշել է, որ այսուհետ Tesla ընկերության նկատմամբ վանդալիզմը կհամարվի ներքին ահաբեկչություն: Երեքշաբթի նա Tesla-ի գործադիր տնօրեն Իլոն Մասկի հետ միասին Սպիտակ տան առջևում էր՝ իր նոր կարմիր Tesla-ի Model S մակնիշի մեքենայի հետ: Մեքենան փորձարկելուց հետո, նախագահը նշել է, որ պատրաստվում է միանգամից վճարել մեքենայի ամբողջական գինը, որը հիմնականում վաճառվում է մոտ 80,000 դոլարով: Նախագահն այս քայլով աջակցություն է հայտնել իր ամենահզոր խորհրդական Իլոն Մասկին՝ Tesla-ի դեմ անցկացվող բողոքի ակցիաների և ընկերության բաժնետոմսերի անկման ֆոնին: Բողոքի ցույցերի պատճառը Մասկի դերն է՝ Թրամփի վարչակազմի հանձնարարությամբ դաշնային աշխատուժի կրճատումների գործընթացում: Մասկը ներկայում գլխավորում է Թրամփի վարչակազմի «Կառավարության արդյունավետության դեպարտամենտը» (DOGE):

«Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին:

https://www.amerikayidzayn.com/
  / amerikayidzayn  
  / amerikayidzayn  
https://t.me/Amerikayidzayn