Скачать или смотреть Miniera e Valiasit kthehet në rrezik për jetën e banorëve (19 Korrik 2003)

Lajme Arkiva 2003

Këto janë pamjet e minierës së Valiasit 11 vjet pasi është mbyllur. Rreth 100 familje që jetojnë në këtë zonë periferike të Tiranës bashkëjetojnë në varfëri të plotë në afërsi të rrënojave të minierës së qymyrgurit që dikur shtrihej përgjatë gjithë tryezës së Valiasit.

Dikur një burim jetese për banorët e kësaj zone dhe jo vetëm kësaj, tani është kthyer në burim vdekje për këta njerëz. Gjatë trazirave të 97 njerëzit filluan të shkatërronin muret e ndërtesave që shërbenin si zyra të minierës për të marrë tulla dhe hekur por, që vazhdojnë ta bëjnë edhe sot. Kjo zgjedhje e tyre për të fituar para ka sjellë jo pak rreziqe.

Banore: Djali im ka 3 vjet këtu duke punuar këtu në minierë duke hequr hekura.

Gazetarja: Çfarë i ndodhi?

Banore: Ra nga lart. Ka tre vjet që është gjysmë robi. Për copën e bukës punoi këtu.

Fëmijët e qytezës tregojnë se një vit më parë një shok i tyre ka humbur jetën pasi një shinë hekuri i ka rënë në kokë në kohën që ishte duke luajtur pranë një prej ish ndërtesave të minierës.

Duke lozur në në kufi jashtë fabrikës ai zbriti poshtë në kat të parë disa ishin jashtë fabrikës. Po bënin plumbçe me kallaj dhe e hodhën poshtë ku ishte fëmija. I ra shina në kokë dhe vdiq.

Një rrezik mjaft i madh për jetën e banorëve të lagjes dhe në mënyrë të veçantë të fëmijëve janë edhe tre puset e minierës të cilët mund të jenë rreth 250 metra të thellë.

Këto puse që më parë shërbenin për futjen e punëtorëve në zemër të tokës tani janë krejt të hapur dhe askush nuk është kujtuar ti mbyllë për të shmangur ndonjë tragjedi.

Fëmijët thonë se shpesh vijnë për të luajtur pranë puseve. Elvisi dhe Shpresa thonë se herë pas herë ngaqë nuk kanë se ku të luajnë dhe për të shuar kureshtjen e tyre ju afrohen puseve.

Gazetarja: Je afruar ndonjëherë këtu afër pusit?

Banore: Po.

Gazetarja: Por nuk ke frikë?

Banore: Kam.

Gazetarja: Po përse vjen të luash prapë?

Banore: Vij se s’kemi vend ku të lozim.

Pasi nuk kemi vend ku të luajmë ne vijmë këtu. Pavarësisht se na kanë porositu prindërit ne prapë vijmë këtu.

Ndërsa luani tregon se shpesh ka tentuar të hyjë në pus .

Gazetarja: I je afruar ndonjëherë afër pusit?

Banore: I jam afruar dhe jam futur brenda.

Gazetarja: Je futur brenda?

Banore: Po.

Gazetarja: S’ke pasur frikë?

Banore: Jo.

Gazetarja: Po përse je futur brenda?

Banore: Jam futur kot për të parë.

Gazetarja: Po ai është shumë i thellë si munde të futesh brenda?

Banore: Jemi futur nga hekurat që ka brenda.

Këto janë pamjet e qymyrgurit në Valias përreth viteve ’80 ku në të punonin 4500 minatorë. Ndërsa sot as ata që kanë kaluar më tepër se gjysmën e jetës së tyre në këtë minierë nuk mund ta njohin atë nga këto pamje që kemi fiksuar me kamerën tonë.

Banorët që jetojnë në banesat që dikur kanë shërbyer si zyra të minierës thonë se pas vitit ’92 kur miniera është mbyllur, shumë miniera, uzina apo fabrika shtetërore askush nga përfaqësuesit e qeverisë nuk është kujtuar që të shkelë në Valias për të parë nga afër gjendjen e minierave më të mëdha të vendit që siguronte një sasi tepër të madhe qymyrguri, por indiferenca e shteti po rrezikon për më tepër se 11 vitesh jetën e banorëve të Valiasit që duket se do të jetë e rrezikuar edhe për një tjetër kohë tepër të gjatë./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/