Скачать или смотреть સાક્ષી શું છે 3

સાક્ષીયોગ એ સાક્ષ્યકળા - સાક્ષી હોવાની કળા - છે.

તમે જે પણ હો,
આ પૃથ્વી પર તમારી ગમે તે ઓળખ હોય,
તમે તમારી જાત પર ગમે તે સિક્કો મારીને જીવતા હો,
તમે અન્યને કોઈ પણ દૃષ્ટિથી જોતા હો,
અન્ય તમને કોઈ પણ નજરે જોતા હોય,
તમે જ્યાં પણ હો,
તમારી આધ્યાત્મિક યાત્રામાં પણ તમે આ ક્ષણે ગમે ત્યાં હો
સાક્ષીયોગ તમારા માટે છે.
સાક્ષીયોગ એટલે અસ્તિત્વને - તમારા સત્યસ્વરૂપને - અનુભવવાની કળા.

સાક્ષી શું છે

સાક્ષીનો શાબ્દિક અર્થ છે: "આંખો સાથે."
સાક્ષી એટલે પરમ દૃષ્ટા.
સાક્ષી ઇન્દ્રિયોની વૈયક્તિકતાથી પર છે.
સાક્ષી સ્થળ અને સમયથી પર છે.
સાક્ષી એક વસ્તુ અથવા વિચારની અપેક્ષાએ બીજી વસ્તુ અથવા વિચારને પ્રાધાન્ય નથી આપતા.
સાક્ષી દ્વંદ્વથી નિર્લેપ છે.
સાક્ષીને વાણી, વિચાર અથવા વર્તન પ્રભાવિત નથી કરતાં.
સાક્ષી શુદ્ધ ચેતના છે
સાક્ષી સર્વવ્યાપક છે
સર્વત્ર કેવળ સાક્ષી જ છે અને સાક્ષી વિના કાંઈ નથી.
તમે સાક્ષી છો.
સાક્ષી તમે છો.


સાક્ષીસ્વરૂપે જાગૃત વ્યક્તિ માટે
ધ્યાન કરવાનું પણ બાકી રહેતું નથી.
એને ન તો સુખ છે કે ન તો દુઃખ.
સાક્ષી સ્વયંના મહિમામાં સ્થિત છે.

જે વ્યક્તિ સાક્ષી તરીકે જાગૃત છે
તેને ન તો કોઈ ભૂતકાળ છે, ન વર્તમાન કે ન તો કોઈ ભવિષ્ય.
સ્થળ-સમય, અહીં-અત્યારે જેવાં પરિમાણો અને ત્યાં સુધી કે
શાશ્વતતા પણ એને માટે સમાપ્ત થઈ ગઈ છે.
અવિભાજ્ય સાક્ષી સ્વયંની ભવ્યતામાં રહે છે.

જે વ્યક્તિ સાક્ષીસ્વરૂપે જાગૃત છે
એને ત્રિગુણાદિ મટી જાય છે.
સ્થૂળ, સૂક્ષ્મ અને કારણ શરીર સમાપ્ત થઈ જાય છે
સત્વ, રજ અને તમોગુણની વૃત્તિઓ લુપ્ત થઈ જાય છે.
જાગ્રત, સ્વપ્ન અને સુષુપ્તિ અવસ્થા અદૃશ્ય થઈ જાય છે.
સાક્ષી શૂન્યથી પર છે.
અને જાણપણું અર્થાત્ ચોથી તુર્યા અવસ્થાથી પણ પર.

જે વ્યક્તિ સાક્ષી તરીકે જાગૃત છે
એને માટે ન જ્ઞાન છે, ન અજ્ઞાન.
ન ગુરુ, ન શિષ્ય,
ન તો જીવન માટે કોઈ કારણ કે ન તો મુક્તિ.
ન તો હું, ન તો 'મારું'.
ન તો બંધન કે સ્વતંત્રતા.
પરમ તત્ત્વ સાક્ષી અમનથી પણ પર છે.
અને આત્મજ્ઞાનથી પણ.

જે વ્યક્તિ સાક્ષીસ્વરૂપે જાગૃત છે એને માટે
પ્રારબ્ધ, સંચિત અને ક્રિયમાણ કર્મો ક્યાં છે?
એને કર્મોનું પ્રકટીકરણ બંધ થઈ જાય છે.

જે વ્યક્તિ સાક્ષી તરીકે જાગૃત છે
એને કર્તા અને ઉપભોક્તાપણું અદૃશ્ય થઈ જાય છે.
વિચારોનો ઉદ્દગમ અને અંત અલોપ થઈ જાય છે.
કોઈ પ્રત્યક્ષ અથવા પ્રતિબિંબિત જ્ઞાન નથી રહેતું.
ફક્ત સાક્ષી જ હોય છે.


જે વ્યક્તિ સાક્ષી તરીકે જાગૃત છે
એને માટે કોઈ જ્ઞાન નથી,
કોઈ જ્ઞાતા નથી અને
કોઈ જ્ઞેય નથી.
સાક્ષી શુદ્ધ ચેતના છે.

જે વ્યક્તિ સાક્ષી તરીકે જાગૃત છે
ત્યાં ન તો ભ્રાંતિ છે, ન તો અસ્તિત્વ છે.
ન રાગ છે, ન વૈરાગ્ય.
ન તો જીવ, ન તો ભગવાન.
અદ્વિતીય સાક્ષી કેવળ એક જ છે,
એકત્વ અને દ્વંદ્વથી પર.
અને બીજું કોઈ કે કાંઈ છે જ નહિ.

Music: www.purple-planet.com
Photo: Casey Horner / Unsplash