Скачать или смотреть منځني ختيځ کې جګړه روانه ده، د سيمې لروبر ۳ مه ورځ هم درانه هوايي ګوزارونه شوي - بي بي سي

د ايران پر وړاندې د امريکا او اسرائيلو جګړې د خليج لروبر د بل هر وخت پرتله پراخې پايلې لرلې دي، او د ايران روحاني مشر علي خامنه يي‎، له وژل کېدو درې ورځې وروسته هم هوايي ګوزارونه روان دي. تېرو دوو ورځو کې اسرائيلو او امريکا د ايران پر وړاندې د سختې بمبارۍ لړۍ پيل کړه، چې پلازمېنه تهران کې يو مرکز هم په کې و. دغو ګوزارونو د ايران روحاني مشر او يو شمېر نور جګپوړي دفاعي چارواکي ووژل. ايران يې ځواب کې د سيمې لروبر د غچ ګوزارونه وکړل. ډېر يې د هغو عرب هېوادونو پر وړاندې وو، چې د امريکا پوځي اډې په کې دي. قطر، متحده عرب اماراتو، بحرين، کويت او سعودي کې پر بېلابېلو موخو ګوزاروه شوي دي. کويت کې چارواکي وايي، له عراق سره د پولو سیمه کې د امريکا يو شمېر جنګي الوتکې لوېدلي دي. د امريکا مرکزي قوماندې ويلي، درې اېف ۱۵ جېټ الوتکې يې د دوستانه يا د خپلو ملګرو له لوري د ډزو پايله کې د کويت د پاسه لوېدلې دي. د ايران پر هوايي ګوزارونو سربېره لبنان کې يوه بله جبهه پرانيستل شوې، اسرائيلو وروسته له هغه پرې بريدونه پيل کړي، چې ايران پلوه حزب الله کم شمېر توغندي او ډرونونه وويشتل. د اسرائيلو دفاعي ځواکونو ويلي، بيروت کې يې د حزب الله يو جګپوړی چارواکی ويشتلی دی.


#BBCPashto #BBCPashtoTV #BBCNarayDaWakht

Subscribe for more videos: https://www.youtube.com/c/BBCPashto?s...
Youtube:    / @bbcpashto  
Like us on Facebook:   / bbcpashto  
Follow us on Twitter:   / bbcpashto  
Instagram:   / bbcpashto