Скачать или смотреть MAUAJI YAKUTISHA MWANAFUNZI WA CHUO, WENZAKE WASIMULIA "ALITUSHIRIKISHA...."

Wananchi mkoani Kilimanjaro wameomba vyombo vya dola kumtia nguvuni mtu aliyehusika na kifo cha Clara Kimathi (21), aliyekuwa mwanafunzi wa Chuo cha Utalii Marangu, aliyetolewa uhai Februari 25, 2025. Inadaiwa kuwa Clara aliuawa kwa kushambuliwa na ‘house boy’ wa familia aliyokuwa akiishi, baada ya kukataa kumpa mapenzi.

Rafiki na mwanafunzi mwenzake, Winfrida Lyimo, amesema Clara alikuwa mtu mwenye upendo na hekima, na aliishi kwa mahusiano mazuri na kila mtu. "Clara nilizoeana naye hata kabla sijaanza chuo, alikuwa mtu wa watu, tunaiomba Serikali iingilie kati," amesema Winfrida. Emmanuel Mosha, mwanafunzi mwenzake, aliongeza kuwa tukio hili limetuumiza sana, akiiomba Serikali kuchukua hatua dhidi ya mtuhumiwa.

Mkuu wa Chuo cha Ufundi na Utalii Marangu, Paul Joseph, amesema kifo cha Clara kimewaumiza kwani alikuwa katika hatua za mwisho za masomo yake. Wanafunzi, marafiki, na viongozi wamelilia haki kwa Clara na familia yake.

Clara amezikwa leo Alhamisi, Machi 6, 2025 pembezoni mwa kaburi la baba na mama yake, mtaa wa Msufini, kata ya Makuyuni, Mji mdogo wa Himo, Wilaya ya Moshi mkoani Kilimanjaro.