Скачать или смотреть ‘Tao Po’: Anak hindi nawawalan ng pag-asa sa kabila ng mga problema kalusugan ng pamilya

Araw-araw, nakalaan ang oras ni Patrick Orcales sa kanyang Nanay Baby na may iba't ibang sakit.

Tinamaan ng sakit na aneurysm si Nanay Baby na nauwi sa pagkakaroon ng Alzheimer’s disease. Bukod dito, meron din siyang hydrocephalus, hypertension at diabetes.

Limang taon nang inaalagaan ni Patrick ang ina pero buong puso niya itong ginagawa.

Sabi ni Nanay, “Napakabait ng anak ko na yan. Kahit mahirap, kailanman hindi niya ko iniwan.”

Hindi lang si Nanay Baby ang inaalagaan noon ni Patrick.

"After pandemic po, ‘yung father ko po is umuwi po ng probinsya. Nasa probinsya, mahilig po siyang umakyat sa bundok. Tapos ayon, habang nasa bundok po siya, doon po siya nai-stroke. Tapos yung time po na ‘yun, ito po ang kabilang kwarto, is kwarto ng ate ko. Unti-unti po pala siyang nai-stress na din. Kaya po, nag-trigger din yung sakit niya. Doon po nalaman na may sakit na rin po siya sa lungs.”

Dahil sa sitwasyon, napilitan si Patrick na iwan ang trabaho bilang delivery rider para maasikaso ang pamilya.

“Nag-decision na rin po ako na ibenta ko na po ‘yung motor ko. Hindi ko na po alam kung saan na po kukuha ng financial namin. ‘Yung mga gamit po na napundar ng father ko is unti-unti ko po nabenta. Talagang survival mode po yung nangyari sa pamilya namin.”

Hindi nagtagal, binawian ng buhay ang ate ni Patrick. Ang tatay naman niya ay kinuha muna ng mga kapatid niya para alagaan.

May iniinda ring sakit na lumbar spinal stenosis si Patrick. Pagbabasa ng Bible ang ginagawa niya para lumakas ang kaniyang loob.

"Dun po lahat po ng tanong ko na hindi masagot, dun po na sasagot, unti-unti.”

“Minsan inilalagay ka ng Diyos sa pinakamahirap na sitwasyon ng buhay, hindi para pahirapan, kundi para mas maging matibay. At nabubuhay tayo hindi para bumitaw at sumuko, kundi para lumaban at magpatuloy.”

Ulat ni Christopher Sitson sa programang Tao Po. (February 28, 2026)

Mapapanood ang mga episode ng Tao Po dito.


For more Tao Po videos, click the link below:
   • Tao Po  

For more My Puhunan: Kaya Mo! videos, click the link below:
   / playlist   list=PLgyY1WylJUmjJk2miiYrWnq15JWz2E5hL

For more latest news and analysis from ABS-CBN News videos, click the link below:
   • The latest news and analysis from ABS-CBN ...  

Subscribe to the ABS-CBN News channel! - http://bit.ly/TheABSCBNNews

Watch full episodes on iWantTFC for FREE here:
http://iwanttfc.com

Visit our website at http://news.abs-cbn.com
Facebook:   / abscbnnews  
Twitter:   / abscbnnews  
Instagram:   / abscbnnews  

#TaoPo
#SisiRondina
#ABSCBNNews