Скачать или смотреть နေ့စဉ်ခွန်အား ၂၀၂၆ ခုနှစ်၊ ဇန်နဝါရီလ ၃၁ ရက်

ဘုရားသခင်၌သာ အာရုံပြုပါ
https://myanmar-odb.org/2026/01/31/fo...

  / myanmar.odb  
  / ourdailybreadmyanmar  

ယနေ့ဖတ်ရန်ကျမ်းချက် - ဟေရှာယအနာဂတ္တိကျမ်း ၂၆:၁-၅
https://odb-ministries.org/bible/mm/r...

ထင်ဟပ်ဖော်ပြချက်
ဘုရားသခင်၌သာ အာရုံပြုပါ

ဟေရှာယအနာဂတ္တိကျမ်း ၂၆ တွင် “ထိုကာလ၌ ယုဒပြည်မှာ သီချင်းဆိုလတံ့”(၁)ဟူ၍ အစပြုထားသည်။ “ထိုကာလ”သည် မည်သည်ကို ရည်ညွှန်းပါသနည်း။ အခန်းကြီး ၂၅ ကို ပြန်ကြည့်လျှင် ဣသရေလလူမျိုးတို့သည် “ထိုကာလ၌ ကြည့်ရှုလော့။ ဤအရှင်ကား ငါတို့မျှော်လင့်သော ငါတို့၏ဘုရားသခင်တည်း။ ငါတို့ကို ကယ်တင်တော်မူလိမ့်မည်။ ဤအရှင်ကား ငါတို့ မျှော်လင့်သော ထာဝရဘုရားတည်း။ ကယ်တင်တော်မူခြင်းကျေးဇူးကြောင့် ငါတို့သည် ဝမ်းမြောက်ရွှင်လန်းကြကုန်အံ့”(၉)ဟု ကြွေးကြော်လျက် နောက်ဆုံး၌ မေရှိယကြွလာချိန်တွင် ထိုသီချင်းကို ဆိုကြမည်ဟု ဖော်ပြပါရှိသည်။ မေရှိယသည် ဣသရေလလူမျိုးကို ဖိနှိပ်ညှဥ်းဆဲသော၊ ဆင်းရဲဒုက္ခကို ခံစားရစေသော (မောဘပြည်)ကို စီရင်မည်ဖြစ်သည်။ ၎င်းသည် သခင်ယေရှု ဒုတိယ အကြိမ်ပြန်ကြွလာပြီး၊ နိုင်ငံတော်တည်ထောင်ချိန်တွင် ပြည့်စုံလိမ့်မည်။ ကိုယ်တော်ပြန်ကြွလာခြင်းကို ကျွန်ုပ်တို့ စောင့်စားမျှော်လင့်နေစဥ် “ငါသည် သင့်ကိုမစွန့်၊ အလျင်းပစ်၍မထား”(ဟေဗြဲဩဝါဒစာ ၁၃း၅)ဟု ကတိတော်ပြုထားသူ ဘုရားရှင်၏ အတူတည်ရှိခြင်းအတွက် နှစ်သိမ့်သက်သာမှုကို ကျွန်ုပ်တို့ခံစားရနိုင်ပါသည်။
စာရေးသူ ဘေလ်ခရောက်ဒါ