Скачать или смотреть Kobe Bryant - IJAMBO RYAHINDURA UBUZIMA EP42

Kobe Bryant wanditse amateka mu mukino w’intoki wa Basketball, yitabye Imana ku myaka 41 kuri iki Cyumweru tariki 26 Mutarama 2020 mu mpanuka y’indege ya kajugujugu yahitanye abandi bantu 9 barimo n’umukobwa we w’imyaka 13.

Ni umwe mu bagabo banditse amateka akomeye muri Basketball atuma benshi bakunda uyu mukino, kubera ubuhanga bwamuranze mu myaka yose yakinnye kugeza mu 2016 ubwo yahagarikaga. Yatwaye ibikombe bitanu bya NBA akinira LA Lakers.

Yakinnye imikino 18 ya All-Star muri iyo myaka yose.

Yari umukinnyi wa kane mu mateka ya NBA watsinze amanota menshi kuko agahigo yari afite kamushyiraga ku mwanya wa gatatu kakuweho na Lebron James mbere y'umunsi umwe gusa ngo Kobe yitabe Imana.

Kobe Bryant yatsinze amanota 33643, amagambo ya nyuma yanditse kuri Twitter ye yashimiraga LeBron James wakuyeho agahigo ke, aho yagize ati “Komeza uteze imbere umukino. Ndakubaha cyane muvandimwe.”