Скачать или смотреть #Thiruneetrin

சைவ உலகில் திருநீறு மிகவும் உயர்வான ஒன்றாக வைத்து போற்றப்படுகிறது. அத்தகு திருநீற்றைபற்றி விரிவாக
அறிந்துகொள்வதற்கு இந்த பதிவு பயனுள்ளதாக அமையும்

திருநீறுக்கும் வழங்கும் வேறு பெயர்கள்
திருநீறு,விபூதி, பசிதம்,சாரம்,இரட்சை

நீடலுறுந்தீ வினையனைத்தும்
நீற்றி விடலால் நீறென்றும்
வீடில் வெறுக்கை தருதலினால்
விபூதி என்றும் உயிர்தோறும்
கூடுமல மாசினைக் கழுவுங்
குணத்தால் சாரம் என்றும் மடம்
ஓட வளர்சோ தியைத்தரலால்
பசிதம் என்றும் உரைப்பரால் (பேரூர் புராணம்)

நீறில்லாத நெற்றி பாழ் (ஔவையார்)

திருக்கோயில் இல்லாத திருவிலூரும்
திருவெண்ணி றணியாத திருவிலூரும்
பருக்கோடிப் பத்திமையாற் பாடாவூரும்
பாங்கினொடு பலதளிகள் இல்லாவூரும்
விருப்போடு வெண்சங்கம் ஊதாவூரும்
விதானமும் வெண் கொடியும் இல்லாவூரும்
அருப்போடு மலர் பறித்திட் டுண் ணாவூரும்
அவையெல்லாம் ஊரல்ல அடவி காடே (ஆறாம் திருமுறை)


திருநாமம் அஞ்செழுத்தும் செப்பா ராகில்
தீவண்ணர் திறமொருகால் பேசா ராகில்
ஒருகாலுந் திருக்கோயில் சூழா ராகில்
உண்பதன்முன் மலர்பறித்திட் டுண்ணா ராகில்
அருநோய்கள் கெடவெண்ணீ றணியா ராகில்
அளியற்றார் பிறந்தவா றேதோ வென்னில்
பெருநோய்கள் மிகநலியப் பெயர்த்துஞ் செத்தும்
பிறப்பதற்கே தொழிலாகி இறக்கின்றாரே (ஆறாம் திருமுறை)

பிணியெலாம் வரினும் அஞ்சேன் பிறப்பினோ டிறப்பும் அஞ்சேன்
துணிநிலா அணியி னான்தன் தொழும்பரோ டழுந்தி அம்மால்
திணிநிலம் பிளந்துங் காணாச் சேவடி பரவி வெண்ணீ
றணிகிலா தவரைக் கண்டால் அம்மநாம் அஞ்சு மாறே. (அச்சப்பத்து)

பாடற்கினிய வாக்களிக்கும் பாலுஞ்சோறும் பரிந்தளிக்கும்
கூடற்கினிய அடியவர்தம் கூட்டமளிக்கும் குணமளிக்கும்
ஆடற்கினிய நெஞ்சே!நீ அஞ்சேல்என்மேல் ஆணைகண்டாய்
தேடற்கரிய திருவளிக்கும் சிவாயநம என்றிடுநீறே. (வள்ளலார்)

பக்தியுடன் சிவசிவா என்று திருநீற்றைப் பரிந்துகை யாலெடுத்து
பாரினில் விழாதபடி அண்ணாந்து செவியொடு பருத்தபுய மீது ஒழுக
நித்தமும் மூவிரல்களால் நெற்றியில் அழுந்தலுற நினைவாய் தரிப்பவர்க்கு
நீடுவினை அனுகாது தேகபரிசுத்தமாம் நீங்காமல் நிமலன் அங்கே
சத்தியொடு நித்தம் விளையாடுவான் முகத்திலே தாண்டவம் செய்யும் திரு
சஞ்சலம் வராதுபர கதியுதவுமிவரையே சத்தியும் சிவம் என்னலாம்
மத்தினிய மேருஎன வைத்துஅமு தினைக்கடையும் மால்முருகன் ஆனமுருகா
மயிலேறி விளையாடு குகனேபுல் வயல்நீடு மலைமேவு குமரேசனே (குமரேச சதகம்)

திரிபுண் டரமாய்ச் சிரனுதல்மார் புந்தி
முரண்முழந் தாள்தோள் முழங்கை – மருவுமணிக்
கட்டு விலாமுதுகு கண்டம் எனுமிவையீர்
எட்டும் விபூதியிடு க (பழம்பாடல்)

திக் க்ராம அசிவாலயம்
திக் அநீசார்சனம் ஜன்ம
திக் வித்யாம் அசிவாச்ரயாம்
திக் பஸ்ம ரஹிதம் பாலம் (பிருகத் ஜாபால உபனிஷத்)