Скачать или смотреть Banorët e Fushë-Bulqizës kundër ndërtimit të HEC-it, dorëzojnë peticion me 350 nënshkrime në Bashki

Banorët e Njësisë Administrative Fushë-Bulqizë kanë dorëzuar sot në Bashkinë Bulqizë një peticion kundër ndërtimit të hidrocentralit, vetëm pak minuta përpara mbledhjes së Këshillit Bashkiak ku pritej të diskutohej çështja. Dokumenti mban rreth 350 nënshkrime të banorëve dhe pronarëve të tokave që preken drejtpërdrejt ose indirekt nga projekti.

Në kërkesën e tyre, banorët theksojnë se deri më tani nuk është zhvilluar asnjë proces i rregullt konsultimi publik dhe se dokumentacioni teknik e mjedisor nuk u është vënë në dispozicion. Ata paralajmërojnë se mosrespektimi i procedurave ligjore mund të sjellë pasoja të pakthyeshme për mjedisin dhe jetën sociale të zonës, duke rrezikuar përshkallëzim të konfliktit.

Komuniteti kërkon që çdo vendim për ndërtimin e HEC-it të merret vetëm pas publikimit të raportit të Vlerësimit të Ndikimit në Mjedis dhe zhvillimit të dëgjesave publike në fshatrat e prekura. Në peticion theksohet se projekti prek burimet ujore, tokat bujqësore, pyjet dhe ekosistemin e zonës.

Projekti i HEC-it rikthehet në tryezën e vendimmarrjes pas gati shtatë vitesh pezullim, pas përplasjeve të forta me banorët në vitin 2019, kur këshilli nuk arriti të mblidhej për tri herë radhazi për shkak të kundërshtimit të komunitetit. Në rendin e ditës të mbledhjes së planifikuar për 6 mars 2026 ishte përfshirë projektvendimi për heqjen e sipërfaqeve nga fondi pyjor dhe kullosor, një hap ligjor kyç që i hap rrugë nisjes së punimeve në përroin e Hetmit dhe zonën e Sheshit të Vogël.

Megjithatë, mbledhja e sotme e Këshillit Bashkiak u anulua dhe u shty për një datë tjetër, ndërsa banorët shprehen se do të vijojnë rezistencën për të mbrojtur tokat dhe burimet e tyre natyrore.

/rtsh.al/

Redaksia e Lajmeve në Radiotelevizionin Shqiptar, transmeton në mënyrë të balancuar informacionet më të rëndësishme, nga vendi, rajoni e bota. Me një shtrirje thuajse në të gjithë vendin, e mbulimin edhe në zonat më të thella, lajmet e përgatitura, transmetohen në mënyrë dinamike dhe ndryshojnë e përmirësohen, në varësi edhe të evoluimit të ngjarjeve. Edicionet informative janë të përditësuara, gjithëpërfshirëse, si në formë, ashtu edhe në përmbajtje.

Subscribe to our YouTube Channel:
http://bit.ly/3H0S7oQ

Find us at:
https://www.rtsh.al/

Follow us on social
Follow us and get updates from RTSH on social media:
Facebook:  / rtshqiptar  
Instagram:  / rtshqiptar  
Twitter:  / rtshqiptar  
Tik Tok:  / rtshqiptar  


#lajme #RTSH #news