Скачать или смотреть Pupuh Sinom Vokal 2 Rambahan (Lirik di Deskripsi) || Harta pada ...

Pupuh Sinom 2 Rambahan (Lirik di Deskripsi) || Harta pada ...





PUPUH SINOM
Laras : Madenda
Surupan : 4 = Tugu

*BEBAS WIRAHMA
Harta pada naréangan
Harti pada nyararungsi
Sabab duanana guna
Harti bisa méré bukti
Harta pon kitu deui
Bisa ngabul nu dimaksud
Nedunan sakahayang
Tapi harta gampang leungit
Mungguh harti mangpaat dunya aherat

Réa nu nampa warisan
Ngadak-ngadak sugih mukti
Salieuk béh hirup ngeunah
Senang ngahenang-ngahening
Gawé ukur pelesir
Duitna diawur-awur
Badana beuki suda
Paingan ceuk nini aki
Najan gunung ditugaran tangtu capé

*TANDAK/PANAMBIH
Harta pada naréangan
Harti pada narambahan
Harta harti sarwa guna
Pada bisa méré bukti
Bisa hasil sapaneja
Sok nyumponan cita-cita
Harta-harti sok mangpaat
Dapon diraksa taliti

Anu beunghar ku warisan
Ngadak-ngadak roroyalan
Lamun hirup kitu laku
Harta teu jadi mangpaat
Najan harta leuwih cukup
Teu dipaké modal hirup
Rajakaya nungtut ledis
Ahirna timbul musibat





#pupuhsinom
#latihanpupuh
#lombapupuh
#latihanftbi
#17pupuh