Скачать или смотреть 【廣東話】香港人去馬來西亞神山全攻略🇲🇾點樣報名❓路況係點❓要帶D咩❓辛唔辛苦❓全部話哂你知⛰️Mt. KINABALU, HIGHEST PEAK IN SOUTHEAST ASIA

一次艱辛又寶貴的旅程.
今次認識到自己原來「唔滾唔知身體好😁」發現大部份我都是頂得順. 天氣才是我最大的敵人.

今次行程是肥仔B提議，早兩個月才決定出發. 起初我對KINABALU是完全沒有概念. 連個樣都唔知是點. 大約出發前一星期我先開始參考下影片.
原來好靚. 山頂高海拔有機會負1-正6’C左右. 我帶哂所有冬天既褸+冷帽+手襪+暖包出發.

成程第一日先行6KM上山去山屋. 第二日凌晨2:30am出發登頂3Km.
出發前心諗. 6K姐 難我唔到既. 但6K全樓梯就無試過. 應該都會辛苦.

出發前3日我開始緊張. 訓得幾差. 心諗大獲積積埋埋果日點搞. 精神唔夠會易觸發高山反應. 但一如既往一行上山個人就好精神(唔知點解)

當日5:50AM旅行社係酒店接我地出發. 車去到登山口大約2.5Hours.
去到好熱鬧好多人. 安排左個導遊大哥比我地. 搞完一大輪終於出得發. 大約8:45am. 一共7個CP. 所有CP是一個涼亭. 無水和食物提供.

出發前已經知全個旅程最大既敵人一定係氣溫，海拔和負重. 因為你要拎你既厚衫褲和食物水上山
你可以請挑夫幫你拎野，但我從來無諗過要，覺得好唔人道，覺得自己野要自己拎，挑夫都有媽媽生，你辛苦距都會辛苦。

一如過往行山前我都會食一個生果就出發. 當日食左兩個小蘋果就開始. 起點1866.4M. 一開始行了好小平路就開始6K樓梯之旅. 睇片見梯級唔大級. 去到原來都好大下. 大約昂坪上鳳凰, 青山中後段果款石級高度. 由登山口到山屋其實只有一條路是不會行錯.

行左2K左右開始餓. 食左旅行社比個三文冶就頂左全程. 頭4K我好有貨. 去到尾2K天氣開始好凍又落大雨好大風. D貨開始去得好快. 同埋海拔開始高. 條氣比平時快左小小喘. 但都回得快. 但條樓梯好似行極都未到. 係我行過最長既天梯. 很不容易終於去到山屋3272m. 好大霧. 去到已是3:45pm了.

由於第日要2:30am出發登頂. 所以基本上成個旅程都係好急趕. 除非你比較快去到山屋. 去到山屋就要食野. 食完野就要趕住訓. 山屋得凍水沖涼洗手. 無暖氣. 張被好薄. 而窗外既風就呼呼聲呼左一晚. 好多人都唔會沖涼包括我. 但就聽到有勇士沖涼沖到慘叫. 笑左.
大約7:30PM就訓. 當然係訓得極差. 約定同同房個叔叔眾志成成一齊1:00am起身.

起身後執清哂個袋所有野. 剩帶熱水+ 一包CHIP AHOY + INSTA+GOPRO+電茼頭燈就出去食早餐. 覺得琴日都食得多野驚頂，所以我只係食左一塊麵包, 蛋小小. 飯小小. 諗住3K上3K落姐應該唔會好肚餓. 準時2:30am搵導遊大哥，一出去隔離上小小就係上山位. 好大風好凍. 果度無光污染唔開燈一定睇唔到路. 但導遊大哥一盞燈都無帶. 可能同小青蛙一樣有夜視.

一開始又係樓梯. 經過琴日果6K我都知唔係易搞. 但凌晨來計算幾有貸. 但肥仔B心跳得快. 抖得都密. 唯一⼀個CP 5:30am一定要到. 唔到就登唔到頂. 眼見一個又一個過左頭. 都擔心會趕唔到. 但我一定唔會唔理肥仔B. 好彩4:20am去到CP登記. 中途見有位香港朋友有高山反應. 見佢都係抖得密.

過左CP就係戲肉. 1K幾空礦斜大波板. 好大好大霧，有一條麻蠅會指引你上去. 真係好大風好凍. 風大到係八號風球風力. 由於都多時間要扯麻繩上, 所以都燒你幾多氣. 肥仔B比之前行得更慢. 每行一段路我就另轉頭望下肥仔B去到邊. 確保佢係我視線範圍內. 但由於好大霧關系. 我只能用頭燈同埋佢既步姿去辨認佢. 行行下我開始擔心佢身體狀況. 我話頂唔順就落山唔好死頂我無所謂. 但佢話佢OK. 過左CP後我都唔敢吹佢. 慢慢陪佢一齊行. 好大風吹到我個人好辛苦. 但都頂得住. 開始覺得好肚餓. 心諗仆街了未上到頂就肚餓. 我先帶左一小包CHIP AHOY. 但都唔理得咁多. 繼續行忘記左肚餓. 亦都大風到唔容許你拿野出來食.

幾經辛苦終於去到最後700M, 個天漸光. 由於好大風好凍同埋擔心肥仔B, 果刻覺得好辛苦喊左出來. 喊左一分鐘左右就要回復否則更難繼續. 呢K幾又係行極都未到頂. 好大霧跟本唔知前面山頂個方向係邊. 仲有幾多先到完全睇唔到. 行行從行行去到尾200m. 我條氣開始喘得好勁. 個頭開始有D暈. 行幾步就要抖. 我都開始要行得好慢. 迷迷糊糊終於都到了山頂. 好感動. 但個景又係大霧到咩都睇唔到. 排隊影相後就開始落山了.

落小小會合導遊大哥就返歸, 果刻個腦都無諗睇咩靚景. 只覺得登左頂就好了. 行行下導遊大哥話係大波版休息. 我先睇到D霧開始散. 原來一路行上來個景係好靚好靚好靚. 係度影左幾張相. 又繼續返歸. 好彩最後都有靚景睇到. 都老懷安慰.

辛辛苦苦終於返到山屋. 我就把握時間食野. 肥仔B就話要訓覺. 食左20MINS野10:30am又話要CHECK OUT否則要罰三舊水馬幣. 又LI LI拿拿執野. 之後要寄POSTCARD. 但個郵茼係條長樓梯上面. 係全亞洲最高既郵茼. 想留力比之後落山果6K都唔得. 落返來又會合返導遊大哥就正式同KINABALU SAY GOODBYE了. 展開6K落樓梯之旅.

途中問左導遊大哥平日天氣係咪好似今日咁大風咁凍. 佢話平日無咁大風和只係最底5-6‘C. 係近來日本打風打得密. 呢個情況先多左. 落山快過上山好多. 天氣亦開始無咁凍. 亦有陽光. 行左2K左右見到同我一齊上山個外國人老叔叔跌倒成地血. 有KINABALU既急救隊幫佢止血. 肥仔B有急救包比左佢地用. 我問導遊大哥多唔多有意外發生. 佢話每星期都一定會有意外. 我地出發前幾日先有個人低溫症死左.

一路輕鬆行行到最後2點幾K去涼亭諗住大抖下. 導遊大哥話3:30PM登山口有車接返去亞庇. 下班就要等6:30PM. 當時2:10PM. 心諗又唔早D講頂你. 頭先仲同佢研究馬拉粗口. 之後咩埋個背囊頭也不回沖落去. 用趕CP既速度碌埋2K幾，好彩最後3:00PM就出返閘口. 去返登山位比埋兩張証書就完了.

這條路線我會比150分，體能佔100%，技術佔50%. 體能需求極大，攻頂時要模黑上無數個好似西狗牙的路段，要有一定的技術。

好感謝KINABALU賜比我有咁美好和珍貴的回憶
感謝他戴我認識了不同朋友，吸收清新的空氣, 冰涼既山水
感謝各位有緣的山友互相打氣支持
感謝導遊大哥戴住我哋，雖然距成日都消失左和督電話打機
感謝今個旅程遇到的所有人

如果呢座山係香港，我諗我會成日去操樓梯，操到好似挑夫咁，拿住好重既野都可以行到樓梯。仲要係行得好快.