YOSH FERMERLAR UCHUN BIZNES O‘YINI TAQDIMOTI BO‘LIB O‘TDI

#QISHLOQXOJALIGI #AGRO #VAZIRLIK #UZBEKISTAN

Fermerlik sir-asrorlarini oddiy o‘yin orqali o‘rganish imkoniyati haqida eshitganmisiz? Toshkent shahrida Germaniyaning Xalqaro hamkorlik bo‘yicha German Sparkassenstiftung tashkiloti tomonidan O‘zbekiston agrar sohasining bo‘lg‘usi ishtirokchilari uchun taqdim etilgan “Fermer xo‘jaligi biznes o‘yini” xuddi shu maqsadda ishlab chiqilgan.

O‘tkazilgan trening davomida ishtirokchilar fermer xo‘jaligini yuritish yoki ushbu sohada tadbirkorlik qilishda nimalarga eʼtibor berish kerakligi, qaror qabul qilishdagi muhim qoidalar, bank bilan munosabatlarda nimalarga asoslanish lozimligini o‘rgandilar.

O‘yindan muvaffaqiyatli o‘tgan bo‘lajak fermerlarga sertifikatlar topshiriladi. Sertifikatlar bankdan xalqaro mablag‘lar hisobidan kredit olish imkoniyatini beradi.
https://agro.uz