دحمان الحراشي - بالمهل تزيان الرحبة - Dahmane El Harrachi

#دحمان_الحراشي_بالمهل_تزيان_الرحبة
❀ قناة شمس الأصيل للأغاني العربية القديمة و النادرة

بالمْهَلْ تزيان الرّحبة الا بغيت دير الصّحبة
كل واحد عندو لعبة غير ميّز و شوف قبالك
بلاك تامن قوم النّصبة غير اللي يحكيلك خطبة
توليلك لحدورة عقبة دير عقلك هو ميزانك
❀❀❀❀❀❀❀❀❀❀❀❀❀
ثبّت عقلك من هاذ القوم بلاك تنعس بلاك تنوم
لازم تعرف كيفاش تعوم ورد بالك قوم النّصبة
ثبّت عقلك في كلّ يوم كونك فاهم كونك مخدوم
بلاك تحسب الصغر يدوم ما تسلّك غير الهربة
غير اللّي يقولّك واش تكون باش يصيبلك كاشي سبّة
❀❀❀❀❀❀❀❀❀❀❀❀❀
بالمْهَلْ تزيان الرّحبة الا بغيت دير الصّحبة
كل واحد عندو لعبة غير ميّز و شوف قبالك
بلاك تامن قوم النّصبة غير اللي يحكيلك خطبة
توليلك لحدورة عقبة دير عقلك هو ميزانك
❀❀❀❀❀❀❀❀❀❀❀❀❀
ثبّت عقلك يا سي فلان ردّ بالك هدا الزمان
ردّ بالك كاين عديان يقابرو في باب العڨبة
ثبّت عقلك ميّز وشوف ردّ بالك تدخل الكنوف
شحال فاتوا قبلك ألوف شحال جازوا قبلك طلبة
شاور قلبك يعطيك خبار خود رايي غير أتخبّى
❀❀❀❀❀❀❀❀❀❀❀❀❀
ثبّت عقلك يا المجرّب بلاك تسافر و تغرّب
ترجع في حالك معذّب يعود خيالك فيه الرّهبة
ثبّت عقلك كون مأدّب ما تتقلق ولا تزرب
مايجيك صدع ما تشوف عجب ما تتكسّر بيك الشّطبة
اطلب ربّي الحيّ القيّوم وقول بركاني من الغربة
❀❀❀❀❀❀❀❀❀❀❀❀❀
بالمْهَلْ تزيان الرّحبة الا بغيت دير الصّحبة
كل واحد عندو لعبة غير ميّز و شوف قبالك
بلاك تامن قوم النّصبة غير اللي يحكيلك خطبة
توليلك لحدورة عقبة دير عقلك هو ميزانك
❀❀❀❀❀❀❀❀❀❀❀❀❀
قرا كتابك وافهم الحروف ثبّت عقلك بلاك تحوف
ياك النّاقص فعلو مكشوف هذاك عمرو ما يتربّى
ثبّت عقلك قيس وخمّم واين ماشي واين تزدم
بلاك خير تولّي مندّم وما تقيسك حتى ضربة
شاور عقلك يعطيك خبر وبلاك تقول هذي كذبة
❀❀❀❀❀❀❀❀❀❀❀❀❀
بالمْهَلْ تزيان الرّحبة الا بغيت دير الصّحبة
كل واحد عندو لعبة غير ميّز و شوف قبالك
بلاك تامن قوم النّصبة غير اللي يحكيلك خطبة
توليلك لحدورة عقبة دير عقلك هو ميزانك