सिकाली जात्रा व्यवस्थापन व समन्वय समितिलिसे खँल्हाबल्हा

स्वनिगःया थीथी थाय् मध्ये यल जिल्लाय् लाःगु खाेना देय्या येँ देय्लिसे पुलांगु स्वापू दु । खाेनाय् दँय्दसं प्याखं हुइकीगु थुम्ह सिकाली द्यःया थाैंकन्हय् झिंनिदँया जात्रा न्ह्यानाच्वंगु दु । झिंनिदँया जात्राया झ्वलय् थाैंकन्हय् सिकाली द्यः येँय् बिज्यानाच्वंगु दु । थुगु जात्रायात व्यवस्थित रूपं न्ह्याकेगु निंतिं ज्यापु महागुथि नेपाः येँ महानगर समितिया संयाेजनय् थीथी खलःपुचः व सरकारी निकायलिसे समन्वय यानाः ज्या न्ह्याकाच्वंगु दु । थुगु हे व्यवस्थापन व संयाेजन समितिया कजिलिसें ज्यापु महागुथि येँ मनसया नायः पञ्चनारायण महर्जन, ल्यूकजिलिसें ज्यापु महागुथि येँ मनसया छ्याञ्जे, प्रसाद ग्रहणया कजि, येँ मनपा १२ वडाया दुजःलिसें ज्यापु महागुथिया केन्द्रीय दुजः पुष्परत्न प्रजापति व स्वयम्सेवक व्यवस्थापन कजि, येँ मनपा १२ वडाया दुजःलिसें ज्यापु महागुथि येँ मनसया ल्यूदांभरिं नानीहिरा महर्जनलिसेया खँल्हाबल्हा न्ह्यब्वयागु जुल ।

छायांकन ः
नविन सिंह (मेराे टेलिभिजन)

सम्पादन ः
नहकूल महर्जन (मेराे टेलिभिजन)

विशेष सुभाय् ः नेवाः टेलिभिजन (छायांकनया निंतिं स्टूडियाे व क्यामेरा ग्वाहालि)

© मेराे साप्ताहिकया भिडियाे संस्करण मेराे टेलिभिजन यूट्यूब च्यानल