NAMPI LUNLAI || NGAINU HAOKIP || TAMIN LACHOINA ||

NAMPI LUNLAI
Songwriter : Robert OMT
Singer : Ngainu Haokip
Music : S. Haopu

Intro:
Nampi Lunlai.........


1 John 3:10-15

¹⁰ Hichea hin Pathen chate le Diabol chate umdol akichen'e. Thildih bollou jouse le asopi ngailu lou jouse chu Pathen'a kon ahipoi.

Khat le khat ki-ngailuvin
¹¹ Eiho khat le khat iki-ngailut diu hi najahsau semtil'a pat thu thot chu ahi.
¹² Agiloupaa kon, asopi that'a pang Cain to ibah lou diu ahi. Ipijeh pen a Aman asopi atha ham? Ajeh chu ama natoh chengse agilou jeng ahia, asopipa a jouse adih jeng ahijeh ahi.
¹³ Vo sopite, vannoiyin nahot'u le kidang sahih hel'un.
¹⁴ Ijeh-inem itile eihon isopiteu ingailut jeh-uva thinaa kona hinna galkai ihitauve. Angailu lou vang chu thinaa um jing nalai ahi.
¹⁵ Koi hile asopi hotbol chu tolthat ahin, tolthat lung sunga tonsot hinna aum lou ihuve.


Thuhilpa 12:13-14

¹³ Hijat kalval hin seibe ding thil khat aum'e: Pathen gingin, athupeh chengse nit'in; ajeh chu hiche dinga hi mihem asemdoh ahi.
¹⁴ Thil ijakai-apha hihen ase hileh, guh thima kibol ho geiya Pathenin ibol ho'u chunga ithuu atan cheh ding ahi.




1) Nampi Lunlai Oh Tahchapa
Nampi kongtol Aw Kalaizon
Pathen le mihing sahchang nahi
Lomlou khulsin nachan jengvang......

Thangvan a kon dongkot hinven
Na singsung le nanam mite
Naselung oinantem?
Kakhankho diu, Nam khankho hi,
Nam khankho ding....

2) Vanchoi homtho Aw Thangminlal
Chun le Jo kingaina nahi lou ham?
Melma ginglouva Pathen ging nahi
Nampi a dia nakikatdoh jeng

Chung tonisan hin vengamlou
Go le mai kaiyin lonlhin eichup ui
Nabolna dam le phai,
Anguui joutai, Hung kile kit in,
Hung kile kittan......

3) Melma khut a loudia bon pamai
Nanam miten kasangthem theipouve
Nathisan akon kikhelna lhunghen
Nam genthei lengvai hi, hinthah sepdoh hen!

Pa anga nei taopeh jing un
Nakitah nale nanam ngaina
Kumkhon chamjing jeng hen
Mitin selung ah, nampi lungsung a,
Veijing tan nate.......
(Milni umta ponte...............)