Скачать или смотреть લઘુકથા-૫ 'સ્વાનુભવ' લઘુકથા સંગ્રહ "સરી પડેલાં મોતી"માંથી||Gujarati Short Story||

સેલ્સમેનો અને વેપારીઓની અવરજવર ઓછી થઇ અને શેઠ ઓફિસમાં એકલા પડ્યા એટલે મુનીમજીએ એકાંત ભાળીને બબ્બે મહિનાના અંતરે આજે ત્રીજીવાર પગાર-વધારાની રજૂઆત કરી...

કાયમની માફક આજે પણ શેઠે માથું ધુણાવ્યું અને
"હા, ભલે, વિચારીશું..." કહીને પોતાનો પોર્ટ ફોલિયો લઇને બેંકના કામે ઉપડી ગયા.

મુનીમજીને છેલ્લા છ માસથી કામ વેઠ સમાન લાગવા માંડ્યું હતું. આના પરિણામે તેમના કામમાં ઉત્તરોત્તર ગુણવત્તાનું પ્રમાણ ઘટવા લાગ્યું હતું...

તેમના મનમાં પણ ગ્રંથિ થવા માંડી હતી,
"જેવા દામ,તેવું કામ!"
આ બાબતમાં આજે ઉમેરો થયો!
આજથી તેમણે કામચોરીની શરૂઆત કરી...
શેઠ આવતાં સુધી મુનીમજીએ ચોપડામાં
એક અક્ષર સુદ્ધાં પાડ્યો નહી!

* * * * * *
કાયમ આભલાં જેવી ચકચકિત થાળીમાં જમતાં મુનીમજીને સાંજે જમતી વખતે થાળીમાં રાખના ડાઘા દેખાયા. તેમણે તેમની પત્નીને કહ્યુ,

"આપણી કામવાળી મધુને આવતીકાલથી પગારમાં એકસો રૂપીયા વધારી આપજે...!

લેખકઃ
જિજ્ઞાસુ દક્ષિણી 'પેસિફિક'


કથા વાચક:
સંદિપ શેઠ 'સमन्वय'
Admin of
થાનગઢ નુ મિત્ર વર્તુળ.

[email protected]