Скачать или смотреть Цагаан Дарь-Эх бурханы магтаал, монгол хэлээр

🙏🙏 Цагаан Дарь Эх🙏🙏🙏

Ум орчлонгоос гэтэлгэгч дарь эх
Охь адистид дүддара бээр найман аюулаас авран
Утгалсан дури бээр өвчнүүдээс тонилгогч
Огоот гэтэлгэгч эх танд сүслэн мөргөмүй
Сайхан цагаан лянхуан дунд оршсон
Саран дүрт дэвсгэрийн дээрээ
Очир завилалт сэлт нь
Санасан дээдийг оршоогч эх таньд мөргөмүй.
Арилсан намрын сарны өнгө мэт болоод
Ард нь саран мандалын түшлэгт
Асар үзэсгэлэнт чимгүүв бүхүй огоот төгсгөсөн
Ариун удвал цэцэг барьсан эх таньд мөргөмүй.
Арван зургаан насны идрийн цогт биетэй
Аливаа туулсан бурхан бүхэн түүний хөвгүүн
Алин хүссэнийг өгөгч гэгээн дүр барьсан эх
Аврагч хутагт дарь эх таньд мөргөмүй.
Асар цагаан гэрэлт цагаан хүрдний
Аливаа найман хигээсэн нөхөд дор
Адист тарнийн найман үсгээр хүрээлсэн
Ариун хүрдэт эх таньд мөргөмүй.
Хутагт дээд аврагч минь
Сэтгэгчлэн бүтээгч хүрдэт
Насан хутгийг өршөөгч
Охин тэнгэрт залбирму
Амин насны тотгорыг арилгаж
Аюулт өвчин зовлон бүхнээс
Агуу хүчтэн та минь
Аварч хайрла
Ад биш шид бүхнийг
Соёрхож хайрламу
Үлэмжийн эх танд сүслэгчийг
Үр мэт энхрийлэгч билээ
Үнэн голоос би итгэмү
Өршөөл хайрын гохоор
Намайг эзэмдэн соёрх
Охин тэнгэрийн дүр
Охь саран өнгөт
Цолгин атлаа дөлгөөн
Гоо хээмсэг эрдэнэ чимэгт
Гоёмсог тэнгэрийн торгон хормогчит
Лянхуа саран мандалд
Очир суудлыг үйлдсэн
Нэг нигуурт хоёр мутарт
Мишээнгүйн цог төгөлдөр
Гурван цагийн бурхадын эх
Охин тэнгэрт мөнхөд биширмү
Орь хүслийг хангагч чандман болж
Оройд минь залрах болтугай.
Үлэмж гайхамшигт таныг
Өчүүхэн төдий магтсан буянаар
Үйл хэрэг минь ариусахуй
Энэ мөчөөс гэгээрэлд хүртэл
Элдэв сөрөн шалтгаан амирлаж
Эв найр эсэн энхийн
Хотол чуулган цогцлох болтугай.
Таныг магтан танд соёрхол тавьсаны хүчээр
Би тэргүүтэн хаа оршивч тэр зүгт
Өвчин ад үгүйрэл дайн самуун амирлаад
Ном хийгээд өлзийт бүхнийг арвитган соёрхоо.

#цагаандарьэх
21дарьэх
#ногоондарьэх