شيلة || لوحة مدهشه

عسعس الليل وتلاقى العتيم مع العتيم
وإلتحم وارخى سدول الظلام الموحشه

والقمر تال الشهر عاد عرجونً قديم
من تدني رويته كن فالنور اغطشه

ليلٍ أشباحه تحول صحاة الجو غيم
كنها تحجب لميع النجوم المرهشه

وقت مستقطع لنفسي ولاابغى لي نديم
الطبيب يقول وقتك مع اللحظه عشه

لو جليسي مثل قول الرسول أخو ً كريم
يمكن يسبب لموجات فكري وشوشه

وانا في حاجة صراحة مع الجرح الأليم
مخزن الصدر المقفل بافكه وافتشه

عشت في دنياي عيشة عصاميً يتيم
نومته حلمن مخيف ،، وحياته قروشه

صوّره واحياه محي العظام وهي رميم
وإستره ماشافوا الناس جوعه واعطشه

حط فالدنيا (روايات توفيق الحكيم)
مر يبطشها بقوة ،،،، ومرً تبطشه

إن صفت تكفيه ساعات في جنة نعيم
السحاب لحاف والعشب الاخضر مفرشه

وان تردت في حقوقه وفاولته بضيم
وده يعود على قبر ابوه وينبشه

مامعه فالطرقة الا طموحات العظيم
يقدر يطلٌع من الصخر لوحة مدهشة

صب مسحوق السعاده على الوجه الكظيم
جمل رسومه ،،،ولين يباسه ،،،،وأنعشه

وأكبر ذنوبه وغلطاته اللي فالصميم
يجلب كنوز الذهب في محلات اقمشه

بدوي يسهج ظهور الرواحل مايقيم
همه أكبر من فريقه ومرباع ادبشه

يطوي أرض الله وعينه لزمزم والحطيم
وابلشوه الناس بالحكي والوقت أبلشه

الرعاع للي تجنوا على موسى الكليم
وأتهموا سيد البريه بسحر ودنبشه

والنهاية سورة الكهف واصحاب الرقيم
من سمعها يحقر مراسلات الدردشه

كلمات :
سفر الدغيلبي
اداء :
خالد ال بريك
تصميم :
Sa3b almzaj