ناصر بن قمرا - حفل ال فهيده

من شاعرً يلعب على كل طاروق
لادك هوجاسه بعيد المعشا

يخلي الشعار لاحق وملحوق
لاطال سرب القاف والليل عشا

يامرحباً تدوي على كل مروموق
اعداد وبل من السحايب تنشا

🔻🔻🔻🔻🔻🔻🔻🔻🔻🔻🔻🔻🔻🔻🔻🔻🔻

ياسمو القاف عطني من جديدك
ندر الابيات قرب لي مداها

شاعرً لامن كتب لين حديدك
جاب جزلات القوافي وبتداها

يا حزامي فالقاء وانا رصيدك
جاتك جيوش الفرايد من وغاها

احتزم بي من وريدك لـ وريدك
وابشر بعزك وانا حامي احماها

يا بو محمد وعذري من وعيدك
الظروف احكام مايلحق مداها

والنوادر من هجوسي وبأمر سيدك
ارفع بصوتي ويرعد في سماها

بالنيابه عن حمد برسل بريدك
ارحبوا ثم ارحبوا دندن صداها

مرحبا منا الى ابعد بعيدك
بالحضور اللي ينومسنا نباها

في حفل راشد ذرا القوم وعضيدك
من نسل من سمعته شرف نباها

محمد الفجعان يزهابه قصيدك
واسمه وذكره ملا نجد ووراها

لو تقيّد من لجابه فك قيدك
يضحك وكل الصعايب قد وطاها


ابتدي بسم الله الواحد الفرد الجلال
ابتدي به قبل سبك البيوت وعدها

من هجوسً ماتغني على يا هملال
تصخر اجزال القوافي وتارد عدها

شاعرً فعله ينومس بني عم وخوال
يرتكي لـ الكايده ثــم بــيّح سدها

يا حفيد العود مال العذر عندي مجال
وانت ابوك يارد القوم وقوم يردها

درب ابو حمد غدا للعرب مضرب مثال
السطر فالراس وكف المكارم مدها

مرحباً وعداد ما لاح براق الخيال
عد ما هلت مزونه وسالت خدها

في حفل راشد نرحب على بن ودلال
والشحم والعود الازرق تفاوح ندها

مرحباً نرفع به الصوت لـ زحول الرجال
بالنيابة قلتها والرجال اتعدها

ياعصابة روسنا مرويت حد السلال
ياذخاير يام يا درعها يا جندها

روس ابن فاهد ذخرنا مراويس الثقال
عزوتً تردع شبا القوم وتلعن جدها

صيتهم بين القبايل جنوب وفالشمال
بالفعايل والدلايل تعلا مجدها

لا غدا لـ المراوس الخيل ربكه وعتدال
تامن الجاني ولا احد نزل في حدها

سطرو التاريخ بالجود وبعوج السلال
فالملاقا ماتماري ولا احدنً قدها

قلتها وافخر بربعي وطوح بالعقال
لابتنً مالله خلق ف القبايل ندها

من بني هاتل هل البل وطال الليل طال
دونها تروي انصاب السيوف وحدها

دون قاصر بالمطاليق وزحول الرجال
مرحباً واللفً هلا والرجال اتردها


اداء المنشد : شبل الدواسر 🎙♥️