Скачать или смотреть WANANCHI MBEYA WATAKA BARABARA NJIA NNE IKAMILIKE HARAKA KUEPUSHA AJARI ZA MARA KWA MARA

WANANCHI MBEYA WATAKA BARABARA NJIA NNE IKAMILIKE HARAKA KUEPUSHA AJARI ZA MARA KWA MARA

Wakazi wa jiji la Mbeya, wameiomba serikali kumsimamia mkandarasi anayetekeleza mradi wa upanuzi wa barabara kuu ya Tanzania na Zambia TANZAM haraka wakidai kuwa kwa sasa imegeuka kuwa kero.

Wakizungumza na wanahabari baadhi ya wananchi hao wamedai kuwa shughuli za awali zilizofanywa na mkandarasi huyo, zimesababisha barabara inayotumika kuwa nyembamba hali ambayo inasababisha msongamano wa magari na kuwa chanzo cha ajali za mara kwa mara.

Kwa upande wake Meneja wa Wakala wa Barabara Tanzania TANROADS Mkoa wa Mbeya, Mhandisi Suleiman Bishanga amesema kasi ya utekelezaji wa mradi huo imepungua kutokana mvua inayoendelea kunyesha katika mikoa ya Kanda ya Nyanda za Juu Kusini.

Naye Mkuu wa Mkoa wa Mbeya, Wakili Beno Malisa amewataka wananchi wa Jiji la Mbeya kuilinda miundombinu ya barabara inayojengwa kwenye maeneo yao kwa kuwa serikali inatumia fedha nyingi kuitekeleza.

@jacqueline_mwangama
#CloudsDigitalUpdates