Скачать или смотреть FFPM 434 – Ny foko, ry Mpamonjy

"Ny foko, ry Mpamonjy" - Hira FFPM 434

Mazotoa mamerimberina sy mianatra ireto hira FFPM ireto any an-trano. Dia mba samy mahay be toa azy ireo daholo isika manerana ny isam-piangonana any rehefa mihira amin'ny fotoam-pivavahana

FFPM 434 – Ny foko, ry Mpamonjy

1. Ny foko, ry Mpamonjy,
Atolotro Anao ;
Maloto ka diovy,
Mba ho fonenanao.
Ny ranao, izay nalatsaka,
No aoka mba hanafaka
Izao fahotako be izao.

2. Ny fahoriam-poko
Atolotro Anao,
Fa he, mampitoloko,
Manindry mafy ao ;
O, ry nijaly an-tsitrapo,
Tohany ny fanahiko
Mba tsy hamoy fo izao.

3. Ny fifaliam-poko
Atolotro Anao,
Arovy tsy aloto,
Diovy ho Anao,
Ampio ho tanteraka,
Ho tonga ao an-danitra
Hanatrika ny tavanao !

4. Ny tenako rehetra
Atolotro Anao,
Anao tsy misy fetra,
Anao, re, hatrizao,
Ka raiso ho fanananao
Hanompo sy hanaja Anao,
Ry Tompo sy Mpanjaka ô !

Source: video Fandaharana Teny Soa Mahafaly viva madagascar