Այբ, բեն, գիմ

Երգի հեղինակ՝ Անահիտ Շահզադեյան
(Երգում են հայերեն տառերը )

Այբ, բեն, գիմ

Ա տառն եմ ես անուշիկ,
Ա տառն եմ ես արևիկ,
Ա տառը դու շատ սիրիր,
Ա տառով արև գրիր:

Բ տառն եմ ես շատ բարի,
Ա-ն ասում է ինձ արի,
Եղիր կողքս դու իմ միշտ,
Որ բառեր գրենք շատ ճիշտ:

Գ տառն եմ ես գիտունիկ,
Շատ եմ սիրում գիտելիք,
Գիտունիկն եմ մեր բակի,
Գիտունն եմ դասարանի:

Դա, Եչ, Զա-ն Էլ միացան,
Տեսեք ինչքան շատացանք,
Շուտով շատ կավելանանք,
Ավելի լավ կկարդանք:

Է-ն կլոր է Ը-ն ծուռտիկ,
Թ-ն խոսում է բայց թլիկ,
Ժ-ն ժպիտ է նվիրում,
Ի-ն և Լյունն մեզ են սպասում:

Խե, Ծա, Կեն և Հո, Ձա, Ղատ,
Ճե, Մեն, Հի և Նու, Շա, Վո,
Չա, Պե, Ջե և Ռա, Սե, Վեվ,
Տյուն, Րե, Ցո, և Վյուն, Փյուր, Քե
և Օ, Ֆե- են Է ավարտում
Բոլորին ենք ողջունում:

Տառերը սովորեցինք,
Բոլորին բարևեցինք,
Այսօրվանից մեծ սիրով
Կկարդանք մենք ամեն օր,
Մենք բոլորս միացանք,
Այբենարան մենք դարձանք: