DÖVLƏT BÜDCƏSİ NECƏ İCRA OLUNUR?

Azərbaycan hökuməti yaxın zamanlarda ölkə iqtisadiyyatının inkişaf tempi ilə bağlı müsbət dəyişikliklər gözləyir. Bu fikir Milli Məclisin iqtisadi siyasət, sənaye və sahibkarlıq komitəsinin iclasında səslənib. İclasda hökumət üzvləri 2016-cı il dövlət büdcəsinin icrası haqqında deputatlara məlumat veriblər. Qanun layihəsində qeyd edilib ki, 2016-cı ilin dövlət büdcəsinin icrası gəlirləri 17 milyard 505 milyon 679 manat, xərcləri isə 17 milyard 751 milyon 283 min manat məbləğində olmaqla təsdiq olunur. Maliyə nazirinin müavini Azər Bayramov bildirib ki, ölkədə həyata keçirilən islahatların, eləcə də qonşu ölkələrdə vəziyyətin yaxşılaşması fonunda müsbət dəyişikliklər proqnozlaşdırılır.
Ötən ilki büdcənin gəlirləri proqnoza qarşı 104,1% icra edilib. Gəlirlər üzrə icra səviyyəsi 2008-ci ildən bəri ən yüksək göstəricidir. 2016-cı ildə dövlət büdcəsinin xərcləri 96,0% icra edilib ki, bu da 2015-ci illə müqayisədə 0,2% azdır. Dövlət büdcəsinin icrası üzrə proqnozlara qarşı yalnız 6 mənbə üzrə kəsirli icra edilib. Digər mənbələr üzrə icra səviyyəsi 100 və daha çox olub. Hədəflər əsasən yerinə yetirilsə də, səhmələrdə dövlətin payl olan müəssisələrdən alınan dividentlərdən daxil olmalarda proqnoza qarşı 11,7 faiz, yəni ən aşağı icra səviyyəsi müşahidə olunub.
Sahibkarlıq subyektlərində yoxlamalar ötən il ərzində əvvəlki ilə nisbətən 1 min dəfə azalıb. Bu da sahibkarlara müdaxilələrin azalmasına, onların daha sərbəst fəaliyyətinə şərait yaradıb. ötən ildən tətbiq olunan investisiya təşviqi özəl investisiya artımına səbəb olub.
Qanun layihəsinin müzakirəi zamanı deputatlar büdcənin icrası ilə bağlı ira670 mindən d və təkliflərinin səsləndiriblər. Sonda “2016 -cı il üçün dövlət büdcəsinin icrası haqqında” qanun layihəsi və dövlət büdcəsinin icrasına dair illik hesabat Milli Məclisin plenar iclasına tövsiyə edilib.