Скачать или смотреть ប្អូនប្រុសបង្កើតនាយត្រង់ដឺ និងបង្ហាញរឿងរ៉ាវពិតជីវិតបងប្រុសលោក ក្នុងនាទីកិច្ចសម្ភាសន៍ពិសេស

ជាដំណឹងដ៏សែនរីករាយមួយ! លោក យិន សុគន្ធ ហៅត្រង់អន និងបង្ហាញនូវការពិតយ៉ាងច្បាស់ ពីប្រវត្តិលំអិតរបស់កំពូលផ្កាយកំប្លែងត្រង់ដឺតាមរយះកិច្ចសម្ភាសន៍ពិសេសមួយជាមួយក្រុមព្រះសុរិយា។
លោក យិន សុគន្ធ ហៅត្រង់អង ជាកូនទី៤ និងជាប្អូនប្រុសពៅរបស់លោកត្រង់ដឺ សព្វថ្ងៃមានអាយុ៧៥ឆ្នាំ រស់នៅរដ្ឋកាលីហ្វញ៉ារ សហរដ្ឋអាមេរិក ជាអតីតមន្រ្តីយោធាសម័យសាធារណរដ្ឋខ្មែរ ជាប្អូនប្រុសតែម្នាក់គត់របស់លោកត្រង់ដឺ ដែលនៅមានជីវិតដល់សព្វថ្ងៃ។

លោក យិន សុគន្ធ ហៅ ត្រង់អង ក៏ធ្លាប់ចូលរួមសម្តែងក្នុងខ្សែភាពយន្តមួយចំនួននៅទសវត្ស៦០ និង៧០ ដូចជារឿង នាងកែវណាម៉ាក្បាលសេះ , រឿង ដំណើរផ្សងព្រេងរបស់ត្រង់ដឺ , រឿង កាត់កន្ទុយលាបកំបោរ និងរឿង កំពូលបុរសមុខពីរ។ លោក យិន សុគន្ធ មានភ័ព្វវាសនាខ្ពស់ណាស់បានរួចផុតពីការកាប់សម្លាប់ក្នុងរបបប្រល័យពូជសាសន៍ខ្មែរក្រហម នៅខណះដែលបងប្រុសរបស់លោកបានលាចាកលោកទាំងអយុត្តិធម៌ក្នុងរបបប្រល័យពូជសាសន៍ខ្មែរក្រហមរវាងពីឆ្នាំ១៩៧៥ដល់ឆ្នាំ១៩៧៩។

កន្លងមកនេះ មានការលើកឡើងខុសៗគ្នាជាច្រើនជុំវិញប្រវត្តិរបស់ផ្កាយកំប្លែង ត្រង់ ដឺ ដែលធ្វើអោយមានការភាន់ច្រឡំ និងមិនត្រឹមត្រូវលើចំណុចជាច្រើន ហេតុនេះលោក យិន សុគន្ធ ហៅត្រង់អង ដែលជាបុគ្គលដ៏សំខាន់មួយរូបសម្រាប់ឯកសារសាវតារបស់លោកត្រង់ដឺ និងផ្តល់កិត្តិយសរៀបរាប់ពីប្រវត្តិលំអិតរបស់លោកត្រង់ដឺអោយមហាជនបានជ្រាបកាន់តែច្បាស់។