Скачать или смотреть li femmini ti misciagni - Ballata delle femmine - Mesagne

Testo di Emanuele Castrignanò - Musica di Rino Carparelli

LI FEMMINI TI MISCIAGNI
Ballata delle femmine (di MESAGNE - BRINDISI)

N.B. Se eseguite la canzone programmatela poiché è depositata.
Si ringraziano tutti gli amici per le foto.
Se volete lo spartito fatemelo sapere, ve lo farò avere senza nessun costo.

TESTO:

Ce' so bbeddi li femmini a Misciagni
Ci ti ni va 'nnamuri no' tieni cu' ti lagni!

Li viti beddi, bianchi e russi culuriti,
sempri sistimati ca poca no' lu criti.
Sia ca' vannu fori, o vannu allu tabaccu,
si mentunu la conna e portunu lu taccu.

Sempri cu' la sciocula, ritendu e poi cantandu,
si fannu la sciurnata, fatiandu e suspirandu.
Suspirunu l'amori, 'nfacciati allu farconi,
ci passa quddu giustu, scendunu allu purtoni.
'Nci tremula la voci, 'nci pàrpata lu cori,
capiscunu ca' è quedda l'ora pi' fa' l'amori!

(Rit.) Ce' so bbeddi li femmini a Misciagni
Ci ti ni va 'nnamuri no' tieni cu' ti lagni! lagni!

Tornunu ti la mestra ti tagghiu o ti ricamu,
tenunu 'ntra li casi sempri la scopa manu.
Quiddi ca' vannu fori, scopunu la sera,
ci poi si n'anna scendiri, spettunu ti la fera!

Mo' vannu all'Oscianna, no' chiu allu macazzinu,
no' volunu lu villanu e mancu l'imbianchinu.
Si vestunu alli nicozi, no' vannu allu marcatu,
ci poi s'anna spusari volunu l'impiegatu!
Si curunu alli palestri, li viti ccussì mpupati,
li scopi ti li casi, ormai l'annu lassati!

(Rit.) Ce' so bbeddi li femmini a Misciagni
Ci ti ni va 'nnamuri no' tieni cu' ti lagni! lagni!

Villani o studentessi, ti casa o mo' cummessi,
so' di cirvieddu finu, no' sontu filu fessi,
Pritendunu cu' forza, cu' fannu li signuri,
cu' tantu ti rispettu, purtati cu' li fiuri!
Pi' fari li sirvizi, volunu la badanti,
ci loru anna scupari usunu li guanti!

(Rit.) Ce' so bbeddi li femmini a Misciagni ... ecc. (rip. sfumando)