Скачать или смотреть 電影《尋秦記》開拍六年被嘲都市傳說 古天樂：呢部戲今年會出街

#am娛樂 #香港電影金像獎 #九龍城寨之圍城 #古天樂 #鄭保瑞

第43屆香港電影金像獎頒獎禮已圓滿舉行，《九龍城寨之圍城》獲14項提名最終勇奪9個獎項，成績驕人。頒獎禮結束後，古天樂、導演鄭保瑞率領《九龍城寨之圍城》團隊到中環舉行慶功宴，林峯、伍允龍、胡子彤、張文傑及「魚蛋妹」王尹菁等一同出席，並接受傳媒訪問分享喜悅心情。

對於《九龍城寨之圍城》成為今屆金像獎的大贏家，再奪最佳導演的鄭保瑞表示：「我一路喺現場一路好緊張，好多幕後團隊喺後面，當然佢哋付出好大努力，我一路都好緊急佢哋攞唔攞到獎，最後好開心，我哋攞到好多個獎。」鄭保瑞導演自言沒有想過可以奪得九獎，在場的林峯就笑住話：「九龍城寨吖嘛！」此時古天樂即插嘴：「我唔理，我好開心！真係攞好多獎，我真心開心。」今次證明《九龍城寨之圍城》這部戲走出海外，去日本、康城，今次揚威金像獎更證明大家的努力沒有白費。心情興奮的古生又叫「魚蛋妹」講兩句，她表示好開心，古生更打趣說既然可以開拍前傳及續集，可以開拍《九龍城寨》系列的「魚蛋妹」成長，「魚蛋妹」聽到即：「吓？」古生揚言有乜出奇？林峯笑指下一部輪到「魚蛋妹」要大顯身手。鄭保瑞未肯透露今年新作何時開拍，只表示「差唔多」。

古天樂之後忽然認真表示：「我今日好想講，以前我哋做一部戲好艱難，搭景、做特技，花好多錢。如果我哋今日可以做到，《城寨》我哋呢幫人做了一個感覺，，畀大家睇到，原來過去係一個回憶嚟，點解我哋唔可以將成本減低，去做一啲更好睇嘅戲？如果你問我係咪要搭咁大個景，甚至你問我係咪要電腦特技做咁多嘢呢，但我只想講一句說話，你問我係，打，一定要打到最足。」他認為全球影業正產生變化，要去探討把成本減低這方面的問題。林峯在頒獎禮上被劉嘉玲形容為「人chok歌精舞勁」，他表示：「多謝嘉玲姐，咁演員有角色可以令觀眾記得，我覺得都是一件好事。」至於談到2019年開鏡的電影版《尋秦記》已耐到被指是「都市傳說」，古生答：「阿峯，你話畀人聽，呢部戲其實今年會出街喇！」林峯即說：「係呀！唔係傳說嚟㗎！」叫大家到時多多支持。


►藝人專訪: 本地、海外藝人專訪，了解更多他們的一二事
   • 藝人專訪  

►即時娛樂大事 : 當日娛樂大事，追蹤明星最近消息
   • 即時娛樂大事  

►演唱會精華放送
   • 演唱會精華放送  

►訂閱am730: https://bit.ly/2qoVYEN
►訂閱am娛樂: https://bit.ly/3M5BXgs
►Website : https://www.am730.com.hk/
►FB:   / am730hk  
►IG:   / am730hk  

►這部影片中的音樂
bmgproductionmusic