Скачать или смотреть ☀️هايفة شمس العصر☀️

#الدواسر
#ال_عمار


هايفت شمس العصر والليل لاعسّعس ضلامه
آستهاض الي معا عتّمت ضلام الليل ساري

لايم الي فالخلى يلقا انشراحه ونسجامه
لايلومه لادعاء الداعي وسرّته الطواري

مايضيّق خاطر المهموم ويكدر منامه
غير هرجة واحدً ماهو عن الاوضاع داري

جنبوني من مجالسة الضعوف اهل النمامه
وزهموني لاغدت الأحوال في حالة طواري

الكفو للمرجله يتعب ولا فيها ندامه
والردي بينه وبين المرجله عازل حراري

والخوي لامنً زهمّني بشروه اني حزامه
والله اني دايمً في لازم الكفو انتحاري

ياقصيدي لاتضيق و لا تلحّقني ملامه
شاعرك ماهوب عباد المصالح والمصاري

يطربه فعل الكفو ويهيضه نوح الحمامه
وان طرق طرّق الحزن هلة له الناس العباري

شاعرً ماياقف الا في مواقيف الشهامه
ماهو الي ساعة الشده يدوّر للمذاري

فياسلام الله سلامً فيه طيب وقوّ هامه
ياسلام الله على الي مجدهم ماله مجاري

يالدواسر ياهل الامجاد واصحاب الزعامه
مجدكم في صفحة التاريخ له كاتب وقاري

يامزبنت الدخيل ويامتيّهت الجهامه
وسمكم يوم الحرايب كنّه الختم الوزاري

يانزيهين القلوب الي قبل تأتي نزاهة
مقّطع للحق لامنّه غدى للقوس باري

انتو اهل المرجله واهل الشجاعه والكرامه
فعلكم يشّبع طيور الجؤ وسباع الضواري

والله انكم مزبن الجالي وستر ام اللثامه
أبلكم تارد وتروا قبل تصنيع اللواري

بسمكم يامرحبنً وعداد همال الغماهه
وانتو اهل الجود يومن اكثر العالم عواري

جيتكم تقدير للي فعله أبّلغ من كلامه
آبّيض الوجّه الي افعوله تنير ابها الغداري

ذاك عبدالله ولد ناهض ماحدّ يجهل مقامه
لنه رجالً كفو بفعوله البيضاء نماري

جعل تفداه الضعوف آهل النميمه والرخامه
الخبول الي مراجلهم على الرز البخاريّ

يابوناهض فالك التوفيق يامال السلامه
يالصديق الي على الجزلات متعود وضاري

انت عون الضايق الي غربله وقته وضامه
حافظنً خوتك حفظ الامه آصحيح البخاري

سعد والله من يحطك ياولد ناهض حزامه
ياقطاميّن حفظ قدري ولا ضيع وقاري

من يخاوي دوسرينً والله ياصل مرامه
آيتمثنابه دروب الوّعر وحزوم الخباري

وانا من شمران قومً مايربون الهلامه
ماخذين امجادنا بالشلف وبحد الشباري

دون ربعي عاصبنً راسي برجلين العمامه
والسنافي فيه من خاله ومن جده مواري

مصعبيّنً ماتراجف ساعة الشده عضامه
واقفً وقفت ربوعه يوم نقلات السواري

وانت يالي فالسعه ليثنً وفي الشده نعامه
والله ان الخوف مانجا من الصقر الحبارى

الردي لخّطا من الجزلات يقّعد فالعدامه
لوبنت له رابعه بماله الشينه كباري

دام به شمرانيً عايش ليا يوم القيامه
والله ماهني رصيد المال فالبنك التجاري

فيصل الشمراني