Скачать или смотреть Vadodara News: આ ખેડૂતે ત્રણ પ્રકારના તરબૂચની કરી ખેતી, પીળા તરબૂચની માર્કેટમાં વધુ ડિમાન્ડ

બજારમાં ચાલી રહ્યો છે પીળા તરબૂચનો ટ્રેન્ડ, જાણો કેવી રીતે થાય છે ઉત્પાદન....

Nidhi Dave, Vadodara: હાલમાં પીળા તરબૂચનો ટ્રેન્ડ ખૂબ જ વધી રહ્યો છે. પીળા તરબુચથી લોકો ખૂબ જ આકર્ષિત થયા છે. જેથી કરીને એની માંગમાં પણ એટલો જ વધારો થયો છે. વડોદરા નજીક કોયલી રોડ ખાતે ગૌભારત ઓર્ગેનિક ફાર્મમાં ખેડૂત કૌશિલ પટેલે ત્રણ પ્રકારના તરબૂચની ખેતી કરી છે. જેમાં બે લાલ કલરના અને એક પીળા કલરના તરબૂચની ખેતી કરી છે.

જાન્યુઆરીથીમાં વાવેતર કર્યું હતું અને અત્યાર સુધી એક ફાલ તરબૂચનો વેચાઈ ચૂક્યો છે અને આ બીજી વખત વાવણી થઈ રહી છે કારણકે પીળા તરબૂચની માંગ ખૂબ જ વધારે માત્રામાં વધી રહી છે. 300 થી 400 kg જેટલા તરબૂચ અત્યાર સુધી વેચાઈ ગયા છે. સંપૂર્ણ જૈવિક પદ્ધતિથી ખેતી કરવામાં આવી છે. કોઈપણ જાતનું ખાતર કે પેસ્ટ્રી સાઈડનો છંટકાવ કર્યો નથી. સંપૂર્ણ પણે ઓર્ગેનિક ખેતી કરતા હોવાને કારણે બીજા ખેડૂતોના ઉત્પાદન કરતા એમનું ઉત્પાદન 15 થી 20 દિવસ મોડું થયું.

પીળા તરબૂચ સ્વાદમાં ખૂબ જ મીઠા હોય છે લાલ તરબૂચ કરતા પણ પીળા તરબૂચની માંગ વધી રહી છે. પીળા તરબૂચને જોઈને લોકોમાં કુતુહલતા ઊભી થતી હોય છે. સાથે સાથે પીળા તરબૂચની મીઠાશ લાલ તરબૂચ કરતા પણ વધારે છે. એટલે લોકો રંગથી તો આકર્ષાય જ છે પરંતુ એકવાર ખાધા પછી પીળા તરબૂચની મીઠાશનો સ્વાદ જીભે વળગી જાય છે જેને કારણે લોકો પીડા તરબૂચની માંગ વધારે કરી રહ્યા છે.

ખેડૂત કૌશિલ પટેલે જણાવ્યું કે, નોન્યુ કંપની દ્વારા આ પીળા તરબૂચના બિયારણો બને છે. આ બિયારણને સવા એકરની જમીનમાં ખેતી કરી છે. આ સવા એકરમાં ત્રણ પ્રકારના તરબૂચની ખેતી કરેલી છે જેમાંથી અડધા વીઘામાં પીળા તરબૂચની ખેતી કરી છે.

ગ્રાહકોને ઓર્ગેનિક વસ્તુ મળી રહે એટલા માટે સીધું જ વેચાણ કરે છે. અને શહેરમાં જ એટલી બધી માંગ છે પીળા તરબૂચની કે બહાર બીજા શહેર કે દેશમાં નિકાસ કરવાની પણ જરૂર પડતી નથી. પીળા તરબૂચના ભાવ 60 રૂપિયે કિલો અને લાલ તરબૂચનો ભાવ 45 કિલો છે.





ન્યૂઝ18 લોકલ એ એક હાઇપરલોકલ પ્લેટફોર્મ છે, જ્યાં તમને જિલ્લાઓના તાજા સમાચાર અને વીડિયો ગુજરાતી ભાષામાં પ્રાપ્ત થશે. ન્યૂઝ18 લોકલમાં તમને તમારી આસપાસ બનતા બનાવો, નાગરિકોને પડતી મુશ્કેલીના સમાચાર, વિવિધ ઉપયોગી માહિતી, તહેવારોની મહિતી, અભ્યાસ, નોકરીની તકો, વિવિધ જાહેરાત, સાફલ્ય ગાથા, તમારી આસપાસના ઐતિહાસિક તેમજ પ્રવાસન સ્થળોની માહિતી મળશે.

Follow us @

  / news18gujarati  
  / news18gujarati  
  / news18gujarati