Скачать или смотреть Anak ng isang vendor, nagtapos bilang 2025 PMA class valedictorian

Class valedictorian ang 23-taong-gulang na si Cadet First Class Jessie Ticar Jr. sa Philippine Military Academy (PMA) “Siklab-Laya” Class of 2025.

Mula sa Quezon City, bunsong anak si Ticar na itinaguyod ng kanyang inang ballpen vendor at amang dating driver na ngayon ay PWD na.

“By God’s grace, I made it to the top. Inspired and uplifted by the unwavering spirit of class 2025,” saad niya.

Gumawa si Ticar ng kasaysayan matapos makakuha ng pinakamataas na grado sa buong kasaysayan ng academy at pang-apat na cadete na nakapagtapos bilang summa cum laude.

Bago pumasok sa PMA, nag-aral siya sa Polytechnic University of the Philippines (PUP) ng kursong Bachelor of Science in Civil Engineering.

Nakatakda siyang magtrabaho sa Philippine Army.