Скачать или смотреть Asad Ali Memon Appointed Brand Ambassador of Karachi Traffic Police by DIG Traffic Karachi

ڈی آئی جی ٹریفک کراچی کی جانب سے ایک اہم اور قابلِ ستائش اقدام کے تحت سندھ کے پہلے کوہ پیما اسد علی میمن کو کراچی ٹریفک پولیس کا ایمبیسڈر مقرر کر دیا گیا ہے۔
اس موقع پر ڈی ائی جی ٹریفک نے کہا کہ اسد علی میمن نے دنیا کی بلند و بالا چوٹیوں کو سر کر کے نہ صرف سندھ بلکہ پاکستان کا نام روشن کیا ہے۔ ان کی کامیابیاں نوجوان نسل کے لیے عزم، حوصلے اور محنت کی روشن مثال ہیں۔
بطور ایمبیسڈر وہ کراچی ٹریفک پولیس کے ساتھ مل کر شہر بھر میں ٹریفک قوانین سے متعلق آگاہی مہم میں فعال کردار ادا کریں گے۔ اس اقدام کا مقصد شہریوں میں روڈ سیفٹی، ذمہ دارانہ ڈرائیونگ اور ٹریفک قوانین کی پاسداری کے شعور کو فروغ دینا ہے تاکہ کراچی کو ایک محفوظ اور منظم ٹریفک سسٹم کی طرف گامزن کیا جا سکے۔
ڈی آئی جی ٹریفک کراچی نے اس عزم کا اظہار کیا کہ سول سوسائٹی، نوجوانوں اور نمایاں شخصیات کے تعاون سے ٹریفک آگاہی مہم کو مزید مؤثر بنایا جائے گا۔
اپ کے سفر میں ہم سفر ترجمان کراچی ٹریفک پولیس