Скачать или смотреть Bərdə rayonunda kələm əkən fermerlər məhsuldarlıqdan razı olsalar da, qiymətlərdən narazıdırlar.

Bərdə rayonunda kələm əkən fermerlər məhsuldarlıqdan razı olsalar da, qiymətlərdən narazıdırlar.

Sakinlər deyirlər ki, kələm pula getmədiyindən tonlarla kələm sahələrdə məhv olur. Kələmin qiyməti ötən ildəkindən dəfələrlə aşağı düşüb. Demək ötən il məhsulun qiyməti yaxşı olduğundan bu il daha çox əkiblər. Bu zaman da qiymətlər aşağı düşüb. 1 sot sahədən 1 ton məhsul götümək imkanı olduğu halda qazanc əldə edə bilmirlər.

Hazırda kələmin satış qiyməti 13-15 qəpik arasında dəyişir. Ötən il bu rəqəm 80-90 qəpik olub. Fermerlər hesab edirlər ki, alıcıları daha çox Bakı sakinləri olduğu üçün qiymət aşağıdır. Məhsulu ölkə xaricinə çıxara bilsələr vəziyyət fərqli olar.

Qeyd edək ki, ümumilikdə bu il Bərdə rayonunda 400 hektardan çox əraziyə kələm əkilib. Bu da ötən ilkinə münasibətdə 60 hektar çoxdur.