Ирина Дорофеева. Белая Русь! Осиповичи 13.11.2022.

“Сімвал адзінства” ў Асіповічах

10 лістапада на Магілёўшчыне стартаваў аўтапрабег у рамках рэспубліканскай акцыі “Сімвал адзінства”. Арганізавала мерапрыемства грамадскае аб’яднанне “Патрыёты Беларусі” пры падтрымцы Федэрацыі прафсаюзаў Беларусі. Усяго шлях па рэгіёне склаў 1200 кіламетраў, а Асіповічы сталі апошнім з райцэнтраў Прыдняпроўскага краю, які вітаў ўдзельнікаў патрыятычнай акцыі.
Урачыстая праграма ў ГЦК “Равеснік” уключала не толькі канцэртныя нумары: асіпаўчане перадалі ўдзельнікам аўтапрабега спецыяльную шасцярэньку — элемент механізма, састаўныя часткі якога збяруць з усіх раёнаў краіны, каб у снежні — у фінале акцыі — аб’яднаць іх у адно цэлае як сімвал адзінства беларускага народа.