Скачать или смотреть Flag Off for Dr. Palekar Inspired

Flag off @Khodiyar Marbles, Palitana, Bhavnagar, Gujarat

Thanks to Khodiyar Marbles as Morning Snacks arranged by Shree Khodiyar Marbles for All Visiting Farmers.

Date 30/09/2018

Venue : Palitana, Bhavnagar, Gujarat

After Continuous Dr Palekarji inspired Method of Desi Breed Cow Based ZBNF Farming. Approx 1000 Farmers across Bhavnagar Switched to ZBNF Farming from previous Conventional Hazardous Chemical Farming.

About 60 ZBNF Farms have developed & as part of promoting ZBNF & awareness among Farmers a Shivaferi was Organized where 1,100 + Farmers across Gujarat visited Bhavnagar to attend the Shivaferi & Visit the Model ZBNF Farms.


વિષય : ભાવનગરમાં ઐતિહાસિક ગાય આધારિત આદ્યાત્મિક ખેતી શિવાફેરીમાં સમગ્ર ગુજરાતના ખેડૂતોની પ્રેરણા યાત્રા.

રવિવારે તા : ૩૦/૦૯/૨૦૧૮ના રોજ ભાવનગર જિલ્લાના પાલીતાણા ખાતે યોજાયેલી જિલ્લાની પ્રથમ અને સમગ્ર ગુજરાતની સૌથી મોટી શિવાફેરી યોજાઈ હતી.

જેમાં સમગ્ર ગુજરાતમાંથી ૧૧૦૦ થી વધુ પ્રગતિશીલ ખેડૂતો ફક્ત સોશ્યલ મીડિયામાં શેર કરેલ આમંત્રણને માન આપી સ્વયંભૂ પોતાના વાહનોમાં પાલીતાણા ખાતે ઉમટી આવ્યા હતા.
પાલિતાનાથી નીકળી દેશી ગાય આધારિત કેન્સર અને ડાયાબિટીસ જેવા અસાધ્ય રોગો માટે અકસીર દવા બનાવતી વેદાંક ફાર્મસીની મુલાકાત લીધી હતી.

ત્યારબાદ પીથલપુર ખાતે ખેડૂત તુલસીભાઈ પટેલની વાડી મુલાકાત લીધી ,જ્યાં ફક્ત જીવમૃતના પ્રયોગથી ,કોઈ નીંદણ કાર્ય કર્યા વગર ૫૫ - ૬૦ મણ કપાસ ઉતરવાની આશા છે.
ત્યાંથી ગારીયાધાર ખાતે શ્રી વાલજીભાઈ કાતરોડીયાના ઝીરો બજેટ પ્રાકૃતિક ફાર્મમાં જીવમૃત અને બીજામૃતના ઉપચાર થકી રસાયણમુક્ત લીલીછમ મગફળીનું બમ્પર ઉત્પાદન મળવાની આશા છે.

ત્યાંથી જેસર તાલુકાના જુના પાદર ગામે વનરાજસિંહ ગોહિલની મિક્સ પાક કરતી કુળદેવી પ્રાકૃતિક ફાર્મની મુલાકાત લીધી.

ત્યાંથી અજીતસિંહ ગોહિલના આદર્શ ખેતી જોવા માતૃભૂમિ પ્રાકૃતિક ફાર્મની મુલાકાત લીધી હતી.જ્યાં એક જ જગ્યામાં આંબા, હળદર, કેળ, ટમેટા , વાલોર, પાપડી, કોબીજ ,ફલાવર, રીંગણાં અને દેશી બાજરો જોઈ પધારેલ ખેડૂતો અચંબામાં પડી ગયા હતા.
ત્યાં ગાય આધારિત ખાતરો જેવા કે જીવમૃત, બીજામૃત, દશપરણી અર્ક જેવા ઘરગથ્થુ ઉપચાર બનાવવાની પ્રક્રિયાનું નિર્દેશન કરવામાં આવ્યું હતું.

બપોરે માતાજીના મઢના સાનિધ્યમાં પધારેલ ૧,૧૦૦થી વધુ પ્રગતિશીલ ખેડૂતોને ઝીરો બજેટ આધ્યાત્મિક ખેતી ગ્રુપ,ભાવનગર દ્વારા નિઃશુલ્ક ઓર્ગેનિક ભોજન પીરસવામાં આવ્યું હતું, જે સમગ્ર ગુજરાતના ખેડૂતોએ બિરદાવ્યું હતું અને આશીર્વાદ આપ્યા હતા.
તે ઉપરાંત જૂનાગઢના સાવલિયા સાહેબ, શ્રી જગદીશભાઈ મેતળિયા, ડો. જીતુભાઇ વૈદ્ય, શ્રી રોહિતભાઈ ગોટીએ ખેડૂતોને સફળ પ્રાકૃતિક લ
ખેતી ઉપર માર્ગદર્શન આપ્યું હતુ. તળાજા ના યુવાન આયુર્વેદ નિષ્ણાંત શ્રી મહેન્દ્રસિંહ સરવૈયા દ્વારા શેઢે ઉગતા વનસ્પતિ થકી સ્વસ્થ અને નિરોગી જીવન કેવી રીતે જીવી શકાય ઉપર માર્ગદર્શન આપ્યું હતું.

પધારેલ દરેક ખેડૂતોએ હવેથી પોતાની વાડીમાં કોઈ ઝેરી રાસાયણિક ખતરો જેવા કે ડી એ પી , યુરિયા અથવા જંતુનાશક દવા નહિ લાવે તેવો સામુહિક નીર્ધાર કર્યો હતો અને પોતાના પરિચિત ૫- ૫ ખેડૂતોને ગૌ આધારિત પ્રાકૃતિક ખેતી કરવા પ્રેરણા આપશે અને ધરતી માતાને ઝેરી રાસાયણોથી મુક્ત કરવાના અભિયાનમાં તન મનથી પ્રયત્નો કરશે.

ભાવનગરમાં અત્યાર સુધી ગામે ગામ ગાય આધારિત આધ્યાત્મિક ખેતી ગ્રુપ દ્વારા અગણિત ખેડૂત તાલીમ શિબિરોનું આયોજન કર્યું હતું , જેના પરિણામે આજે જિલ્લામાં ૧૦૦૦ ખેડૂતોએ ઝેરી રાસાયણીક ખેતી પદ્ધતિ ત્યજી ગાય આધારિત ખેતી અપનાવી છે અને ૬૦ નવા મોડેલ ગાય આધારિત પ્રાકૃતિક ફાર્મ તૈયાર થયા છે ,જે નજીકના ભવિષ્યમાં ૫૦૦૦ મોડેલ ફાર્મ તૈયાર થશે તેવો દ્રઢ વિશ્વાસ વ્યક્ત કરીયે છીએ.