Скачать или смотреть អ៊ំប្រុសម្នាក់ចូលមកមន្ទីរពេទ្យដោយអាការ: ក្អក ក្តៅខ្លួន និងហត់

អ៊ំប្រុសម្នាក់អាយុ 81ឆ្នាំមានជម្ងឺកូវីដ ហើយចូលពេទ្យដោយសារក្តៅខ្លួន និងហត់។
អ៊ំប្រុសម្នាក់អាយុ81ឆ្នាំចូលមកមន្ទីរពេទ្យដោយអាការ:ក្តៅខ្លួន(Fever),ក្អក(cough),និងដកដង្ហើមខ្លីៗ(Shortness of breath) ក្នុងពេលដែលកំពុងផ្ទុះមេរោគកូវីដ-19។បើតាមការៀបរាប់របស់គាត់បានបង្ហាញប្រាប់គ្រូពេទ្យថា កាលពី3ថ្ងៃមុន គាត់មានសញ្ញាក្តៅខ្លួន និងក្អកដូចគ្នាដែរ តែមិនពិបាកដូចឥឡូវឡើយ។

ក្រោយការពិនិត្យរបស់គ្រូពេទ្យបានបញ្ជាក់ថា អ៊ំប្រុសហត់ខ្លាំងពេលគាត់ដេក(shortness of breath at rest) និងហត់ពេលដើរធ្វើអីបន្តិចបន្ទួច(dyspnea on exertion)។ដោយឡែក គាត់មិនមែនមានត្រឹមតែហត់ប៉ុន្នោះទេ គាត់ក៏មានការឈឺចាប់ទ្រូងផ្នែកខាងឆ្វេងផងដែរ ហើយអាការ:ឈឺនេះគឺឈឺខ្លាំងពេលគាត់ដកដង្ហើមចូលជ្រៅ។យើងក៏បានសួរបញ្ជាក់ផងដែរ លើការដួលប៉ះទង្គិចលើទ្រូង តែអ្នកជម្ងឺហាក់ដូចជាមិនដឹងថាដួលឬក៏មិនដួលឡើយ។គាត់បានបន្តប្រាប់គ្រូពេទ្យថែមទៀតថា គាត់ធ្លាប់មានជម្ងឺសួត ដែលអោយសាច់សួតរបស់គាត់ឡើងក្រិន(lung tissue harden)។ហើយមិនមានសញ្ញាអ្វីទៀតទេ។

ពេលឃើញអាការ:បែបនេះភ្លាម គ្រូពេទ្យបានវាស់សម្ពាធឈាមឃើញ 157/95mmhg ,សីតុណ្ហភាព=37.9C,ជីបចរបេះដូង=112ដងក្នុងមួយនាទី,ចង្វាក់ដង្ហើម=30ដងក្នុងមួយនាទី រីឯអ៊ុកស៊ីសែនចុងដៃ(Saturation Oxygen)= 91% ពេលមិនទាន់ដាក់អ៊ុកស៊ីសែន។មិនបង្អង់យូរ យើងបានដាក់អ៊ុកស៊ីសែនអោយគាត់ 4លីត្រក្នុងមួយនាទីតាម បំពង់Nasal Canula បានបន្តិចក្រោយមក គេឃើញចង្វាក់ដង្ហើមថយចុះសល់28ដងក្នុងមួយនាទី ហើយអ៊ុកស៊ីសែនក្នុងឈាមនៅចុងដៃ ឡើងដល់96%។តែប៉ុន្នេះ មិនទាន់គ្រប់គ្រាន់ក្នុងការធ្វើរោគវិនិច្ឆ័យនៅឡើយទេ យើងបានយកអ្នកជម្ងឺទៅថតសួតភ្លាមៗ chest x-ray ក្រោយពេលថតសួតរួចគេបានឃើញលទ្ធផលថា សាច់សួតឡើងសរ ពិសេសខាងឆ្វេងឡើងសរខ្លាំងជាងសួតខាងស្តាំ(bilateral patchy airspace opactities) ពិសេសផ្នែកខាងក្រោម និងជុំវិញទងសួតធំ(predominance in peripheral lower lung zone with relative sparing of perihilar region)។

ការឡើងសរៗរបៀបនេះគឺបញ្ជាក់ថាគាត់មាន Mild apical ,bibasilar bronchiectasis និង bibasilar reticular opacities។លទ្ធផលនៃការចាប់ចង្វាក់បេះដូងបង្ហាញថា បេះដូងដើរញាប់ ហើយគ្រូពេទ្យក៏បានបូមឈាមទៅពិនិត្យនិងបណ្តុះមេរោគផងដែរ។មិនតែប៉ុន្នោះ គេក៏បានយកសំណាករបស់គាត់ទៅពិនិត្យរកមេរោគកូវីដ-19បន្ថែម។ហើយ គេបានចាប់ផ្តើមចាក់ Azithromycin និង Ceftriaxone មុនពេលរុញទៅបន្ទប់សម្រាកព្យាបាល។ពេលកំពុងតែបញ្ជូននោះ អ្នកជម្ងឺចាប់ផ្តើមពិបាកដកដង្ហើម(Respiratory Distress) ចង្វាក់ដង្ហើមឡើងដល់ 40ដងក្នុងមួយនាទី ហើយអុកស៊ីសែនចុងដៃ ចុះមកនៅត្រឹម 86% អំឡុងពេលកំពុងតែដាក់អុកស៊ីសែន4លីត្រក្នុងមួយនាទីស្រាប់។

ស្ថានភាពកាន់តែអាក្រក់ទៅ ដោយអ៊ំប្រុសចេះតែរើចុះរើឡើង ហើយគាត់ចង់តែអង្គុយ ហើយស្រែកប្រាប់គ្រូពេទ្យថាគាត់ឈឺទ្រូងពេលដកដង្ហើមចូល(Pleuretic Chest Pain)។គេបានតំឡើងអុកស៊ីសែនដល់5លីត្រក្នុងមួយនាទី ហើយចាក់Morphine តាមសរសៃឈាមដើមប្បីបំបាត់ការឈឺចាប់។គេក៏បានចាប់ចង្វាក់បេះដូងម្តងទៀតក៏នៅតែឃើញបេះដូងដើរញាប់ដ៏ដែល(Sinus Tachycardia)។

បន្ទាប់មកគ្រូពេទ្យគឹតថាអ្នកជម្ងឺអាចមានរោគវិនិច្ឆ័យដូចជា៖
រលាកសួតដោយមិនមែនមកពីមេរោគ(Noninfectious Pneumonia syndrome),ជម្ងឺលើសាច់សួត(Interstitiel Lung Disease)និងជម្ងឺរលាកសួតដោយសារមេរោគ(Infectious Pneumonia)។យើងនិងធ្វើការពិភាក្សានិងដកចេញនូវបញ្ហាមួយចំនួនដើម្បីឈានដល់ការធ្វើរោគវិនិច្ឆ័យមួយជាក់លាក់។បញ្ហាការ៖

👉 (រលាកសួតដោយមិនមែនមកពីមេរោគ)Noninfectious Pneumonia syndrome៖ មានន័យថាគាត់រលាកសួត ដោយមិនមែនមកពីមេរោគដូចជាវីរុស ឬបាក់តេរីនោះទេ តែការលាកសួតរបស់គាត់បណ្តាលមកពី ការលេបអាហារតែច្រាលចូលក្នុងសួត(Aspiration Pneumonitis),ការហើមសួតដោយសារតែបេះដូង(Cardiogenic pulmonary Edema),មហារីក(Cancer),ការលាកសរសៃដោយការហូរឈាមឬមិនហូឈាម(Vasculitis with or without hemorrhage)។ដោយឡែកអ្នកជម្ងឺម្នាក់នេះហាក់ដូចជាមិនមែនបណ្តាលមកពីការច្រាលអាហារចូលសួតឡើយព្រោះប្រវត្តគាត់ពីមុនមិនដែលមានពិបាកលេបឬបញ្ហាទាក់ទងនិងការច្រាលអាស៊ីតក្រពះ(Gastrointestinal Reflux Disease)នោះទេ។រីឯការហើមសួតដោយសារជម្ងឺបេះដូងវិញ(Cardiogenic Pulmonary Edema) គឺអោយចេញសញ្ញា ហត់,ខ្វះអុកស៊ីសែនក្នុងឈាម,និងឡើងសរៗនៅសួតសងខាងដូចគ្នាតែភាគច្រើនគឺវាសរៗនៅក្បែរទងសួតជាង(Perihilar) ក្រលេកមើលមកអ្នកជម្ងឺយើងវិញ គាត់មិនដែលមានប្រវត្តិឡើងគីឡូ, ហើមជើង,ហើមពោះ(abdominal discomfort),ឬហត់ពេលដេកហើយអង្គុយទៅលែងហត់(orthopnea) ឬ ក៏សម្រាកយប់ឡើងហត់ភ្លាមៗនោះឡើយ ព្រោះសញ្ញាទាំងនេះជាងរោគសញ្ញាខ្សោយបេះដូង(Heart Failure) តែអ៊ំប្រុសគ្មានទេ។ មហារីកក៏មិនអាចកើតដូចគ្នា ព្រោះការលេចចេញភ្លាមៗបែបនេះ គឺមិនមែនជាសញ្ញាច្បាស់លាស់របស់មហារីកទេ។
ការលាកសរសៃ(Vasculitis) នៅសាច់សួត(alveolar)អាចមានលក្ខណ:ស្រដៀងនិងការរលាកសូតដ៏ទៃទៀតដែរអោយក្តៅខ្លួនដូចគ្នា តែមិនមានសញ្ញាណាមួយបញ្ជាក់ថាគាត់មានការហូរឈាមឬរលាកសរសៃទេ។ដូចនេះយើងដកចេញបញ្ហាខាងលើនេះ។

👉ជម្ងឺលើសាច់សួត(Interstitiel Lung Disease); អ្នកជម្ងឺធ្លាប់និយាយប្រាប់គ្រូពេទ្យថាគាត់ធ្លាប់មានជម្ងឺសួតបណ្តាលអោយក្រិនសាច់សួត(Lung tissue Harden)
...
អានបន្តនៅ៖ https://m.facebook.com/story.php?stor...

Credit: The new england journal of medicine
ប្រែសម្រួលដោយ៖ វេជ្ជសាស្រ្ត កម្ពុជា

ចង់បានយោបល់ល្អៗទាក់ទងសុខភាពរបស់លោកអ្នកសូមឆាតមកផេក ឬចូលក្នុង
telegram៖https://t.me/cambomedicine សូមជួយSubscribeYoutube:   • អ៊ំប្រុសម្នាក់ចូលមកមន្ទីរពេទ្យដោយអាការ: ក្...   ដើម្បីបានវីឌីអូជាសម្លេង