Скачать или смотреть ქართველები ევროპაში. საქართველოს მოქალაქეებმა ევროკავშირში 2 მილიონზე მეტჯერ უვიზოდ იმოგზაურეს.

ქეთევან ოქრომჭედლიშვილი 62 წლისაა, ევროპაში მან პირველად მას შემდეგ იმოგზაურა, რაც უვიზო რეჟიმი ამოქმედდა: "მივხვდი რომ, დიდი სარგებელი შეიძლება მოიტანოს ამან!"
რას უყვებიან ქართველები ევროსკოპს, რატომ არის მნიშვნელოვანი ღია საზღვარი ევროპასთან? დავით მინდიაშვილი: "გაოცებული ადამიანები მინახავს, როდესაც კვირა დღეს შევესწარით წირვას, მამაო რომ იყო გამოსული და ქადაგებდა... ხო, აქაც(ევროპაში) სწამთ ადამიანებს ღმერთის, აქაც არის ოჯახის სიყვარული, სიწმინდე... ეს არ არის უცხო პლანეტა, ჩვენნაირები არიან, ერთნაირები ვართ..."
26 წლის მსახიობი, ჯორჯი დვალიშვილი: "ჩემთვის ევროპა არის, ალბათ ისევ თავისუფლება, მეტი თავისუფლება... თავისუფლებას ბევრი განმარტება აქვს, მაგრამ ერთი სიტყვით რომ მკითხოთ, თავისუფლება!"
ვანო გელაშვილი ბელგიაში ოფიციალურად მუშაობს: "არ მაქვს იმაზე საფიქრალი, რომ ვაიმე, მე რომ აქ ვარ, ჩემი ოჯახი როგორ არის... ჩემი ოჯახის ნებისმიერ წევრს შეუძლია ნებისმიერ დროს, იმ სამი თვის განმავლობაში, როცა ამისი უფლება აქვს, ჩამოვიდეს, ვნახოთ ერთმანეთი, გადავიდეთ სხვადასხვა ქვეყნებში, დავათვალიეროთ ულამაზესი ადგილები..."