Скачать или смотреть ཨ་ཕ། བདེ་སྐྱིད་ཚེ་རིང་། FATHER BY DEKYI TSERING

translated in english version    • བདེ་སྐྱིད་ཚེ་རིང་། Father by Dekyi Tsering...  


ཨ་ཕ། གཞས་ཚིག
ཁྱིམ་ཚང་ཞིག་གི་ཐབ་ཚང་ནས་གཟིམ་མ་མྱོང་བའི་མར་མེ་ཚེ་འབར་ལགས།
དྭ་ཕྲུག་ཁྱུ་ཡི་རེ་སྒུག་གི་མདུན་མ་བཅིངས་པའི་སེམས་ཀྱི་ཡབ་ཆེན་ལགས།
ངས་ཁྱེད་ལ་ཞུ་འཕྲིན་སེམས་ཀྱི་མཆོད་པ་ཕུལ
ཞོགས་པའི་ལྷ་གསང་གཏོང་དུས་རླུང་རྟ་དགུང་ལ་མཆོད་ཡོད
ཀི་བསོ་ཡིས་བསྟོད་པའི་དུ་སྤྲིན་ལ་གསོལ་འདེབས་ཀྱི་སྨོན་ཚིག་ཁྲི་འབུམ་བསྐུར་ཡོད
ཡུན་རིང་བྲལ་བའི་རྒྱང་རིང་གི་སེམས་ཀྱི་ཡབ་ཆེན་ལགས།
ཁྱེད་རང་སྐུ་ཁམས་བདེ་ལེགས་སམ།
རང་ཁྱིམ་དྲོད་ཀྱིས་སྟོང་བའི་གཞི་གྱེས་ཀྱི་ཕུ་ནུ་མང་སྲིང་ཚོ།
ཁྱེད་རྣམ་པ་ཕུང་ཁམས་བདེ་མོ་ཡིན་ནམ
རྩྭ་ཐང་འཁྱག་གིས་བསྡམས
སྦྲ་གུར་རླུང་གིས་བསྐྱོད་པའི་ཕ་ཁྱིམ་ན
བདག་མེད་ཤུལ་ལུས་ཀྱི་སྤུན་ཟླ་མིང་སྲིང་ཚོ
སྡུག་བསྔལ་གྱི་མིག་ཆུ་ཁྲོམ་ཁྲོམ་ལས་བདེ་སྐྱིད་རྒོད་སྒྲ་ཐོས་མ་མྱོང་།
དྲན་གདུང་གི་ཤུགས་རིང་ནར་ནར་ལས་ལྷན་འཛོམས་ཀྱི་སྐལ་བ་རྙེད་མ་མྱོང་།
ཉིན་རེ་ནས་ཉིན་རེ། ཟླ་རེ་ནས་ཟླ་རེ། ལོ་རེ་ནས་ལོ་རེ
དབྱར་དགུན་གྱི་དུས་ཚིགས་རེས་སུ་འཁོར་ཡང་ང་ཚོའི་ཡུལ་དུ་བུ་ཡུག་རྐྱང་རྐྱང་འཚུབ
མཁྱེན་མཁྱེན་་་བླ་མ་མཁྱེན
འོན་ཀྱང་ཨ་ཕ་ལགས། ཁྱེད་རང་ཐུགས་སེམས་སྐྱོ་མི་དགོས
འུ་ཚང་གི་ཁྱིམ་དུ་བདེ་སྐྱིད་དེ་འདྲ་མེད་ཀྱང་
ཨ་ཕའི་གདམས་ངག་ལ་སྔར་བཞིན་དྲོད་ཁོལ་ལྡན
ཕ་ཤུལ་བུ་ཡིས་འཛིན། ཕ་ཆོས་སེམས་ཀྱིས་སྒྲུབ
ཕ ཡིག་སྦྱོང་ལ་བརྩོན། ཕ་སྐད་གཙང་མ་བཤད
ཕ་སྲོལ་རྒྱུད་ཀྱིས་འཛིན། ཕ ཟས་རྒྱུན་དུ་རོལ་བའི་ཕ་ཁྱིམ་སྙིང་ནས་བརྩེ་བཞིན་ཡོད།
ཨ་ཕ་ལགས། ངས་བརྗེད་དཀའ་བ་ནི་ཁྱེད་ཡིན་ལ་དྲན་སླ་བ་ནི་ཁྱེད་ཡིན
ཁྱེད་ནི་བརྩེ་བའི་ཕ་ཡིན། བྱམས་ལྡན་མ་ཡིན།
སྐྱབས་སའི་ལྷ་ཡིན། རེ་སའི་དཔོན་ཡིན།
ཁྱེད་ནི་ཕ་གཞིས་ཀྱི་བདག་པོ་ཡིན་ལ། བུ་ཚང་གིརེ་བ་ཉག་གཅིག་ཡིན།
ཨ་ཕ་ལགས། ཉིན་མོ་སེམས་སུ་འཁོར་ཡང་། མཚན་མོ་རྨི་ལམ་ནང་ནས་མཇལ།
ཨ་ཕ་ལགས། ཞོགས་པའི་ཉི་གཞོན་གྱི་གཟི་བྱིན་དང་འགྲོགས་ནས་
རང་ཡུལ་ཕྱོགས་སུ་ཕེབས་རོགས། ང་ཚོའི་ལོ་ཟླ་སོར་རྩིར་བགྲང་ནས
ཁྱེད་ལ་རེ་ཞིང་སྒུག་བཞིན་ཡོད།
སླད་མར་ཁྱེད་ཀྱི་སྐུ་ལུས་གསེར་གྱི་ཉི་མ་ལ། སྤྲིན་ནག་པོས་གཡོར་བ་མེད་པ་རྟག་ཏུ་བརྟན་ཞིང་།
ཕ་བུ་འདི་ནས་གྱེས་ཀྱང་སླར་ཡང་འདི་རུ་འཛོམས་པའི་སྨོན་ལམ་ཡང་ཡང་ཞུ