Скачать или смотреть #عبدالله_بن_زويبن

في شاشة المرقاب ببداية ابريل
جذب نجوم الشعر صوت زهمها

في مدح مصباح العرب في دجى الليل
مليكنا اللي هيبته نحترمها

اللي بدوره وصلت الجدي وسهيل
الدولة اللي ما ينكس علمها

عبدالله اللي ما نبي فيه تبديل
اللي جميع حقوقنا ما هضمها

العاهل اللي ذلل الفقر تذليل
بالعزم والهمه جموعه هزمها

في منتهى الافعال لا بالاقاويل
اليا نبت للفقر شوكه دقمها

شكل رقابة من خيار الرياجيل
اصحاب علم ولا تراخى هممها

عنده على قمعه مهاره وتأهيل
والجائزه من كف جاك استلمها

خيره علينا مثل وبل الهماليل
يديه بعد الله .. بطرنا كرمها

نعيش في قمة سعاده وتدليل
شقى الحياه وجيهنا ما وسمها

مع زودت الاسعار زاد المداخيل
وفتح صناديق القروض ودعمها

ودبل ضمان المستحقين تدبيل
وخطة مشاريع السكن كد رسمها

وفتح بكل انحاء القطاعات تسجيل
هيا الفرص للي يبي يغتنمها

يبذر وحنا اللي نلم المحاصيل
اللي يعاني غيرنا من عدمها

الله يحرسه بالسنين المقابيل
من ميلت الدنيا و وطيت قدمها

رحم الله المادح والممدوح