Скачать или смотреть Apartamenti, i përshtatur për prostitucion/ Vihet në pranga tutorja kineze në Pogradec | Vox News

DVP Korçë
Finalizohet pas 2 muajsh hetime me metoda proaktive, operacioni policor i koduar “Last night”.
Kishin përshtatur për ushtrimin e prostitucionit, një apartament që e kishin marrë me qira, në Pogradec, vihet në pranga 1 shtetase kineze, shpallet në kërkim 1 tjetër shtetase kineze.
Procedohet penalisht pronari i apartamentit.
Sekuestrohen shuma parash të valutave të ndryshme, kartëmonedha të dyshuara false dhe 4 celularë.
Specialistët e Seksionit për Hetimin e Trafiqeve, si rezultat i hetimeve të kryera me metoda proaktive, në drejtimin e Prokurorisë, gjatë dy muajve, për goditjen e veprimtarisë së kundërligjshme të prostitucionit, finalizuan operacionin e koduar “Last night”.
Si rezultat i këtij operacioni, u zbulua në lagjen nr. 1, Pogradec, një apartament i marrë me qira, që ishte përshtatur për ushtrimin e prostitucionit.
Nga veprimet hetimore u identifikuan 2 shtetase kineze, organizatore të kësaj veprimtarie kriminale. Njëra prej tyre, shtetasja H. F., 61 vjeçe, u arrestua në flagrancë për veprat penale "Prostitucioni" dhe "Falsifikimi i monedhave", ndërsa shtetasja tjetër, C. L., 46 vjeçe, banuese në Kinë, u shpall në kërkim. Punohet për kapjen e saj.
Gjithashtu, u referuan materialet në Prokurori ku nisi procedimi në gjendje të lirë për pronarin e apartamentit, shtetasin L. Xh., 33 vjeç, banues në Pogradec, për veprën penale "Mbajtja e lokaleve për prostitucion".
Në cilësinë e provës materiale u sekuestruan shuma parash të valutave të ndryshme, kartëmonedha lekë të dyshuara të falsifikuara, që iu gjetën shtetases së arrestuar dhe 4 celularë.
Në bashkëpunim me Prokurorinë po vijojnë hetimet pasi dyshohet se ka shtetas të tjerë të përfshirë në këtë veprimtari kriminale brenda dhe jashtë shtetit, nga ku kryheshin telefonatat dhe veprimet reklamuese për këtë veprimtari.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.





Kjo media online është një përpjekje e disa gazetarëve profesionistë, për të parë përtej lajmit. Ne jemi krijuar vetëm për interesin publik, në shërbim të vendit dhe të demokracisë. Ne do të shkruajmë për çdo fenomen në Shqipëri dhe trevat shqipfolëse, do të denoncojmë çdo zyrtar të korruptuar, do të sjellim investigime, reportazhe, video dhe materiale ekskluzive.

Vox News, për ta parë të vërtetën ashtu siç është, jo siç hiqen ta shesin!

Për më shumë vizitoni faqen tonë:
https://www.voxnews.al/

Subscribe to "VOX News" on YouTube Channel HERE:
Like VOX News on Facebook HERE:  / voxnews.al  
Follow VOX News on Instagram HERE:   / voxnews.al  
Follow VOX News on X HERE: https://x.com/voxnewsalbania
Follow VOX News on TikTok HERE:   / voxnews.al