Скачать или смотреть Nga institucioni drejt familjes: dy fëmijë, një familje kujdestare -

Rrugëtimi i një familjeje, e motivuar me dëshirë dhe vullnet të qartë për t’u bërë familje kujdestare, që hap derën dhe zemrën për dy fëmijë, vëlla e motër, nga një institucion rezidencial.

Si bëhesh familje kujdestare dhe si duket kjo në praktikë? Videoja ndjek hap pas hapi udhëtimin e familjes në Korçë:

• njohja me Shërbimet Mbështetëse për Fëmijën dhe Familjen (SHMFF);
• orientimi për dokumentacionin;
• procedurat e miratimit pranë Komisionit Multidisiplinar të Bashkisë;
• takimet e para me fëmijët dhe vlerësimi i përshtatshmërisë;
• procedurat gjyqësore dhe bashkimi me fëmijët në shtëpi.

Videoja shfaq integrimin e dy fëmijëve (vëlla e motër) në një familje që ka dy fëmijë biologjikë, duke ndërtuar lidhje të sigurta, rutina të përbashkëta dhe një mjedis të qëndrueshëm, me mbështetjen e dy prindërve kujdestarë dhe stafit të dedikuar të SHMFF.

Zhvillimi dhe promovimi i kujdesit alternativ familjar është një nga prioritetet e punës së NISMA ARSIS dhe Bashkisë Korçë, sepse besojmë se familja është mjedisi më i mirë dhe më i sigurt për rritjen dhe zhvillimin e fëmijës, duke garantuar stabilitet emocional, përkatësi dhe mbrojtje.

Projekti “Kujdesi që mban bashkë familjen!” zbatohet nga Nisma ARSIS, në partneritet me Bashkia Korçë, përmes nën-granteve të programit “BE për Kujdesin Social”, European Union in Albania, zbatohet nga UNICEF Albania dhe World Vision Albania, në bashkëpunim me Ministrinë e Shëndetësisë dhe Mbrojtjes Sociale.