شيلة | يا قصر | كلمات عناد الشيباني اداء فايز العتيبي

https://i.top4top.io/m_2330dbt4l1.mp3

بين ترديد القصايد وترديد الاذان
اشكر الله كل لحظة وانا عبدٍ شكور

وان غدا اللي يحسب ان الشعر ف اكل اللسان
قلت جعله عافيه لو كلا راس الجزور

ما تزين الدله اللي مافيها زعفران
ولا يطيب اللي يعاني ولو قالو طهور

يوم جينااا واجتمعناااا وجو الشعر زان
من تعنا مرحبابه ومن غاب معذور

ينشرح صدري لا جيت البجاده وحلبان
كن قلبي نابتٍ له فـ اراضيهااا جذور

والكلام اللي يبا يفوح مثل القحوياااان
يدفعه صدق المواقف من احساس وشعور

قبل لا ابدا واربط امع الخيال الاقتراان
يالله اطلبك الجماله وحظٍ ما يبور

ودي اسولف مع القصر يااصحاب المكان
وانشده واعلمه زين في بعض الامور

يا قصر ما جايك قصور .. لو جار الزمن
وش يردك لا تباهااا على كل القصور

وانت مبني من بحر جود مدري بحر امان
الوكاد انك على الطيب .. والعز معمور

لا تقول البحر مهما حصل ماله ضمان
شف بيوت الشعر .. ماتعمر الا من بحور

مير عاد الله يعينك على هالامتحاااان
كل يوم ومجلسك زايدٍ فيه الحضور

يا قصر حطو لك اهلك على الدنيا كيان
ما نلومك لو يصيبك من الطنخه غرور

خل في صدرك رحابه مثل شهر رمضان
لا يضيق صدرك العود الازرق والبخور

يمكن السمنه تصيبك من الحيل السمان
كل يوم وجايك ضيوف حتى للفطور

والحشو من حين تاصل على ظهور الدنان
ماتنزل عند بابك .. تنزل فالقدور ..!

يا قصر منزلك عالي .. ولا حولك طمان
رافعينك لـ الطراقي مثل وكر الصقور

وانت دارك ما تعرف المذله والهوان
دابها ياخذ بثااااره .. على مر العصور

خل عاد اهلك هل الجوخ واهل الجبخان
المديح يصافح اديينهم وهوه فخور

فعلهم والله مااا يحتاج له شاهد عيان
ناحتينه في صدور العرب نحت الصخور

عزوةٍ فيهم قساوه وفيهم عنفوان
مستحيل تحصل نخيش في عزمه فتور

كل واحد دون الاخر لون الوقت شان
محزمٍ مليان مااا فيه طلقه ما تثور

من حمايهم يجيهم سطر مدري جنان
ورث لـ الاحيا والاموات مع مر الدهور

لا تنادو بالعزاوي ويوم الفعل حان
الحمايا يمكن تطلع اللي فالقبور

للكرم قبله وفالطيب مافيهم جبان
والله من طيب المواقف ومن وسع الصدور

من قبول عيال عاضه .. وسيعين البطان
ما بقى ترحيب نقدر نقوله لـ الحضور

ما يضيق اللي معه ربع واخوانه اخوان
لو يبي وقف حراك العراق ودارفور

يا ابو مازن محفلك .. صار كنه مهرجان
زحمته يمكن ما يقدر ينظمهااا المرور

انت ضيف الله وحنا ضيوفك يالحصان
ما لقينا الا الكرم والحفاوه والسرور

نعرف حصان الحدايق من حصان الرهان
واشهد انك فالجمايل مجرب ومخبور

سيرةٍ عطره تعطر بها كل المكان
ويش عطور امواج في جنبها والا ديور

سيرتك بين النشاما على مر الزمان
هاذي اللي فعلاً انشوفها معرض عطور