Скачать или смотреть வருவாய்வட்டாட்சியர் தலைமையில் குளத்தில் உள்ள புறம்போக்கு ஆக்கிரமிப்புகளை அகற்ற நில அளவை செய்யும் பணி

புதுக்கோட்டை மாவட்டம் அறந்தாங்கியில் மாவட்ட ஆட்சியர் உத்தரவின் படி அறந்தாங்கி தாலுகாவிற்குட்பட்ட ரெத்தினக்கோட்டை வருவாய் கிராமம் வண்ணான்குளக்கரையில் உள்ள புறம்போக்கு ஆக்கிரமிப்புகளை அகற்ற உள்ளதால் குளத்தின் மொத்த நிலப்பரப்பில் நில அளவை செய்யும் பணியினை அறந்தாங்கி வட்டாட்சியர் ஜபருல்லா தலைமையில் நிலஅளவையினர் மற்றும் வருவாய்துறை அதிகாரிகளால் நில அளவை செய்யும் பணிகள் நடைபெற்றது.


அப்பகுதியில் வணிக கட்டிடங்கள் அதிகம் இருப்பதால் அளவு செய்யும்போது 20-க்கும் மேற்பட்ட காவல்துறையினர் பாதுகாப்பு பணியில் ஈடுபட்டிருந்தனர்.
நிலஅளவை பணி முடிந்தவுடன் நீர்நிலை புறம்போக்கு இடங்களை ஆக்கிரமிப்பு செய்து வைத்துள்ள ஆக்கிரமிப்பாளர்கள் தாங்களாகவே ஒரு சில தினங்களில்
அகற்றிக்கொள்ள வேண்டும் எனவும் இல்லையென்றால் அதிகாரிகள் தலைமையில் அதிரடியாக ஆக்கிரமிப்புகள் அகற்றப்படும் என வருவாய்துறை அதிகாரிகள் தெரிவித்தனர்.
மேற்படி நில அளவைப் பணியில் மண்டல துணை வட்டாட்சியர் பாலமுருகன் தலைமை நில அளவர் செல்வராஜ் வருவாய் ஆய்வாளர் மதியழகன்,சரக நில அளவர்கள் கிராம நிர்வாக அலுவலர்கள் மற்றும் கிராம உதவியாளர்கள் ஆகியோர் கலந்து கொண்டனர்.