Նոր առաջադրումներ նորընտիր նախագահ Թրամփի կողմից

ԱՄՆ նորընտիր նախագահ Դոնալդ Թրամփը երեքշաբթի հայտարարել է կրթության, ֆինանսական և առողջապահության ոլորտներում ղեկավար կազմի թեկնածուների առաջադրման մասին

Թրամփի առաջին նախագահության ընթացքում ՄըքՄահոնը ղեկավարում էր Փոքր բիզնեսի վարչությունը և հայտնի է, որպես սպորտային ոլորտում գործունեություն ծավալող World Wrestling Entertainment ընկերության համահիմնադիր ու երկարամյա ղեկավար:

«Լինդան իր առաջնորդության տասնամյակների փորձն ու կրթության և բիզնեսի ոլորտներում խորը գիտելեքները կօգտագործի, որպեսզի ամրապնդի ամերիկացի ուսանողների ու աշխատավորների հաջորդ սերունդը և Ամերիկան դարձնի կրթության ոլորտում առաջինը աշխարհում։ Մենք կվերադարձնենք կրթությունը նահանգներ, և Լինդան կղեկավարի այդ ջանքերը»,- ասված է Թրամփի հայտարարությունում։

Նույն օրը՝ ավելի վաղ Թրամփը առևտրի նախարարի պաշտոնում առաջարկեց Ուոլ Սթրիթի ֆինանսիստ Հովարդ Լյուտնիկի թեկնածությունը:

63-ամյա միլիարդատերը Թրամփի, այսպես կոչված, անցումային թիմի ղեկավարներից է և ներկայում զբաղվում է բարձրաստիճան պաշտոնների համար թեկնածուների ընտրությամբ։ Նախորդ շրջանում Լյուտնիկն աչքի էր ընկնում Դոնալդ Թրամփին ցուցաբերած աջակցությամբ:

Երեքշաբթի Թրամփը նաև հայտարարեց, որ բժիշկ Մեհմեդ Օզը, ով հայտնի է որպես հեռուստաշոուի երկարամյա հաղորդավար, կնշանակվի Medicare և Medicaid ծառայությունները համակարգող կենտրոնի ղեկավար: Գործակալությունն է պատասխանատու հիմնականում տարեցներին և աղքատներին վերաբերող կառավարության երկու հիմնական առողջապահական ծրագրերի իրականացման համար:

Թրամփն աջակցում էր Օզին 2022 թվականին Փենսիլվանիայում Սենատի համար ընտրապայքարում, սակայն Մեհմեդ Օզը պարտվեց:

«Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին:

«Ամերիկայի Ձայն»-ի Հայկական ծառայությունը Վաշինգտոնից եթերում է ավելի քան 70 տարի` տասնամյակներ շարունակ ծառայելով որպես լրատվության հուսալի և անկողմնակալ աղբյուր: Այն այսօր էլ շարունակում է լինել տեղեկատվության վստահելի աղբյուր` ներկայացնելով միջազգային լուրերի, Հայաստանի և տարածաշրջանի վրա ԱՄՆ-ի քաղաքականության ուղղակի ազդեցության, ամերիկահայերի, ամերիկյան մշակույթի, գիտական նորությունների և շատ այլ թեմաների շուրջ համապարփակ տեղեկատվություն:

https://www.amerikayidzayn.com/
  / amerikayidzayn  
  / amerikayidzayn  
https://t.me/Amerikayidzayn

Oz Trump nominations