มหาวงศ์เกี้ยวนางแตงอ่อน - บาส ธวัช , แจ๋ว ปานทิพย์ [Lyric Version]

เพลง : มหาวงศ์เกี้ยวนางแตงอ่อน
ศิลปิน : บาส ธวัช - แจ๋ว ปานทิพย์
คำร้อง / ทำนอง : บิ๊ก ภูมารินทร์
เรียบเรียง : แม่ครูชวาลา หาญสุริย์ / นนท์สตูดิโอ

เนื้อเพลง
(ลำล่อง) ......ละเสียงเอ้ย เสียงดังปัง
ประตูวังได้เปิดโป่ง
ขะน้อยท้าวมหาวงศ์
เอิ้นทัพพลน้อเคลื่อนย้าย
สิพาผ่ายเข้าป่าดอน แสนออนซอน......

(ลำตังหวาย) ......บัดนี้ มหาวงศ์ละสิหยับหย่างย้าย
เคลื่อนทัพไปละทหารออกหน้า
เดินเข้าป่าละไปหาต่อไก่
โอ้ยดงป่าไม้ละในไพรพนา
สุขอุราละของเฮาเอาแท้
โอ้ยพาพลเดิน.......

....บัดนี้ เอิ้นขุนคานน้อละแม่นขุนเค่ง
ทั้งขุนทุม ขุนนางสนิท ให้ตามติดโตเฮาเอาไว้
สิพาเดินไพรน้อละแม่นแลหา
เหลียวเบิ่งหนาไก่ป่าอยู่ไส
เฮาสิได้ละไปล่อต่อเอา ละเด้อขุนเอ้ย.....

.... พุ้นเด้ เห็นละน้อละแม่นไก่โตงาม
ทองอร่ามละแม่นไก่อิหยัง
ปานฟ้าสั่งน้อละอินแต่งแต้ม
แนมแล้วเฮาคือมาอยากได้
ลัดเอาไว้ละแหน่เด้อขุนเอ้ย..... ละเด้อพลเอ้ย

คำผญา มหาวงศ์บรรทม
....ขุนเอ้ย ไก่กะต่อบ่ได้ ใจกะเมื่อยเสโทริน
ตาแนมเห็นพลาญหิน อยากเทิ้งนอนอยู่ริมน้ำ
จั่งค่อยเคลื่อนทัพข้าม คือไปบ่อนวังอยู่
ได้ยินลมพัดยู้ ตาม้อยละแม่งลง

[ช] สายลมพัดส่า ริมธาราเหนื่อยกายาแล้ว
ได้ยินนกกาฮ้องแซว เสียวแจ๋ว แจ๋ว เหงื่อไครไหลริน
นอนหลับแซบซ้อย กายเมื่อยม๋อยทรงฝันสุบิน
เสียงหวานก้องหูได้ยิน ดั่งอัมรินทร์แปลงนางลงมา

[ช] สอยวอยหน้า พรหมพะกายแอวกิ่ว
เล็บเกลี้ยงผิว มือส่วยปานเหลา
เกศาซ้อง งานปานช่อกะเลา
แม่นทางเจ้า เป็นลูกเต้าพญาใด๋

[ญ] ศรีกษัตริย์ไท้แตงอ่อนนามน้อง
อยู่ลำคลองหนองน้ำใต้บาดาล
เห็นแต่อ้ายมานอนหลับอยู่นาน
เลยนิมิตเข้าฝันมาคุยกันซั่นดอกหวา....

[ช] คำจาน้องว่าอยู่ลำคลองหนองน้ำห้วยใหญ่
คำจาน้องว่าอยู่ลำคลองหนองน้ำห้วยใหญ่
แปลกในใจแต่กะบ่อยากส่อหนอน้องผู้ไคร
คันอ้ายได้นอนฮ่วมกับนาง
นานจักปี กะสิอยู่นาน นาน สิฮักแพงแต่เจ้า
คำเว้าเจ้าเป็นธิดาแข้ใหญ่อ้ายกะยังรับได้
อยากชวนเข้าบ่อนนอน.....

[ญ] แสนอาวรณ์อ้อนคำของชาย
มีสาวเสี่ยงไว้อยู่ทางบ้านบ่หนอ
บ่อแม่นสิตั๋วให้แหงนหน้าคอยรอ
เว้าอีหลีบ่น้อ พ่อรูปหล่อมหาวงศ์

[ช] มาอวนองค์แตงอ่อนของพี่
ใจดวงนี้อ้ายมีเจ้าผู้เดียว
ใจอยากสร้างหนทางมาหย่างเทียว
โสมเฉลียวเฉลาคีงคนงาม.....

[ญ] คันอยากข้ามสะพานทางใจ ให้อ้ายไปบอกพ่อ
คันอยากข้ามสะพานทางใจ ให้อ้ายไปบอกพ่อ
น้องสิรออยู่นี่ เด้ออ้ายผู้ไคร

[ช] รับปากไว้เด๋อนวลนางน้อง ขอหอมจองไว้แหน่เด้อคำ
สิจำคำไว้ในฝันเว้าต่อ ให้นางรอถ่าอ้ายเด้อน้องแม่นาง......

[ญ] เมืองนางอยู่ใต้วังเวินกว้าง
บ่อนถ้ำแข้หลวงของพญากุมพล
ผู้ใด๋มีบุญจั่งเห็น ผู้สิได้เป็นแฟนน้องสักคน
ลำบากให้อ้ายนั้นอดทน
ใจเจ้าอย่าสิเวียนวกวน
กระโดน้ำโตนดำลงบาดาล

[ช] ความฝันเบิ๊ดเวลาจ้อย ความฝันเบิ๊ดเวลาจ้อย
ได้เว้าน้อย น้อย พอหัวใจซื่น
มหาวงศ์ตื่นขึ้นแล้วบ่พ้อ บ่พ้อ โอ้ยบ่พ้อ บ่พ้อ
คิดฮอดตั้งแต่นาง สิคืนเมือทางเวียงวังของอ้าย
แต่ขบวนใหญ่ขันหมากให้พร้อม
สิมาขอด้อมน้อดมน้อง มาขอน้อง......


ติดต่อการแสดง 081-769-1966, 081-708-0091
___
รับชมเพื่อความบันเทิง
___
ผลงานทุกอย่างบนช่อง " บ้านหมอลํา รัตนศิลป์ " มีลิขสิทธิ์
พบเห็นช่องอื่นก๊อปปี้ไปลงช่องตัวเอง ขออนุญาต "ร้องเรียนการละเมิดลิขสิทธิ์"
___
ติดตามผลงานการแสดงเพิ่มเติมได้ที่
  / rattanasin60  
#tag #อีสานบ้านเฮา #หมอลำ #รัตนศิลป์ #รัตนศิลป์อินตาไทยราษฎร์ #บ้านหมอลำรัตนศิลป์ #ประทาย #หมอลำประยุกต์ #ลำเพลิน #ลำกลอน #หมอลำม่วน #หมอลำเรื่อง #แม่ชวาลา #พ่อครูบุญถือ #ขอนแก่น #หมอลำไอดอล #วัฒนธรรมอีสานบ้านเฮา #หมอลำซิ่ง