Şükür Həmidova milli qəhrəman adı niyə verilmişdi?
Sağlığında Milli qəhrəman olmaq çox az adama qismət olur. Adətən qəhrəmanlar bu ada canı bahasına layiq görülür. Görəsən o sağlığında nə etmişdi ki, milli qəhrəman adını almışdı?
Biri var idi... Əfsanələrdəki cəngavərlər kimi daim ordusunun önündə gedirdi. Əfsanəvi polkovnik – Milli Qəhrəman Şükür Həmidov... Bu gün bir bahar sabahı Qubadlıda başlayıb, bir payız axşamı elə Qubadlıda bitən qısa ömrə baxacağıq...
Şükür Həmidov 1975-ci il martın 1-də Qubadlı rayonunun Armudlu kəndində müəllim ailəsində dünyaya göz açıb. Əvvəlcə Qubadlı rayonunun Başarat orta məktəbində, ardınca Cəmşid Naxçıvanski adına hərbi liseydə təhsil alıb. 1993-cü ildə Bakı Birləşmiş Ali Hərbi Komandirlər Məktəbinə daxil olaraq təhsilini davam etdirib. 2006–2008-ci illərdə Silahlı Qüvvələrin Hərbi Akademiyasının müdavimi olub.
1995-ci ildə leytenant rütbəsi ilə Naxçıvan Muxtar Respublikasının Culfa şəhərində tağım komandiri kimi xidmətə başlayıb. Elə ilk gündən ön xətdə olub. Ardınca müxtəlif vəzifələrdə Tərtərdə digər cəbhəyanı bölgələrdə xidmət edib.
Onun həyatında Lələ təpə yüksəkliyi önəmli rol oynayır.
2016-cı ilin aprel hadisələri zamanı Şükür Həmidov Füzulidə hərbi hissəyə komandirlik edirdi.
Onun rəhbərlik etdiyi briqada ermənilərin dırnaqarası “keçilməz Ohanyan səddini” 40 dəqiqəyə keçib. 1 saatın sonunda artıq Azərbaycan bayrağı Lələtəpədə dağlalanırdı...
Onununla Aprel döyüşündə iştirak etmiş yoldaşları deyir ki, Şükür Həmidov öncə deyəndə ki, mən də qabaqda olacam, hamımız duruxduq. Amma sonda başa düşdük ki, o düzgün qərar vermişdi.
Beləliklə Şükür Həmidov Aprel döyüşləri boyunca hərbi hissə heyətinin önündə döyüşüb, tapşırıqlarını birbaşa yerində verib. Yoldaşları deyir ki, Şükür Həmidovun hərbi hissə komandiri olaraq öndə olması, əsgər, zabit heyətinə çox böyük həyəcan verirdi. Elə qısa müddətdə Azərbaycan bayrağının Lələtəpədə qaldırılması da, birbaşa Şükür Həmidov və onun kimi komandirlərin əsgərlərlə çiyin-çiyinə döyüşməsi səbəbilə baş tutub. Əslində Şükür Həmidovun Aprel döyüşlərindən sağ çıxması bir möcüzə idi. Bunu Aprel döyüşlərindən sonra danışan həyat yoldaşının dilindən eşidə bilərik.
Ömrünün son illərini Füzulidən işğal altında olan Qubadlıya baxmaqla və o torpağa ayaq basacağı günü gözləməklə keçirirdi. Nəhayət, heç kimin gözləmədiyi bir gün, həmin hadisə baş verir və Şükür Həmidova öz torpaqlarına doğru irəliləmək şansı verilir. Allahın sevimli bəndəsi kimi onun torpaqların işğaldan azaetmə treyektoriyası da bir başa Qubadlıya doğru gedirdi. Azərbaycan ordusunun bir briqadasına rəhbərlik edən Şükür Həmidov saniyəbə saniyə Qubadlıya yaxınlaşırdı. Onun bəlkə də Allahdan dilədiyi gün elə həmin idi; Qubadlını görüm, sonra ölüm. Şükür Həmidov çox güman ki, briqada komandiri kimi Qubadlıya daxil olan ilk şəxslərdən idi. Polkovnik arzusunda çatır, öz doğma torpağına ayaq basır. Ancaq fələk bundan artığını Şükür Həmidova qıymır. O, Qarabağın azad olunduğu günü görmədən, 2020-ci ilin 24 oktyabrında doğma rayonunda, Qubadlıda şəhid olur...
Onun ölümündən cəmi 3 gün sonra Qubadlı şəhərinin azad olunması elan edildi.
Polkovnikin dəfn mərasimində, Müdafiə naziri Zakir Həsənov, Müdafiə Sənayesi naziri, Milli Qəhrəman Mədət Quliyev, Milli Qəhrəman Rövşən Əkbərov iştirak etdi. Prezident İlham Əliyev Milli qəhrəmanın atası ilə telefonla danışığı zamanı Şükür Həmidovun adının öz doğma rayonunda əbədiləşdiriləcəyini deyib.
Şükür Həmidovun ölüm səbəbi kimi ictimaiyyət tərəfindən müxtəlif səbəblər göstərildi. Yayılan ilk xəbərlərdə qeyd olunurdu ki, o cəbhədən yayılan videoların qurbanı olub. Həmin ərəfədə Azərbaycan hərbçilərinin bir neçə videosu yayılmışdı və bəzi videolarda hətta yüksək rütbəli hərbçilərə xitab da olunurdu. Deyilənə görə bu videolar düşmənlərə koordinat verib.
Ölümündən bir gün sonra sosial şəbəkədə onun telefonla danışarkən düşmən snayperi tərəfindən vurulduğu qeyd olundu. Bu versiyaların həqiqətə nə qədər uyğun olduğunu bilmirik. Həqiqət odur ki, bu gün Milli qəhrəmanımız həqiqət, yəni haqq dünyasındadır.
Şükür Həmidov gəncliyini uff demədən, sevgiylə vətənə qurban demişdi. Bizə iki övladı yadigar qaldı. Milli qəhrəman kimi isə nəfəsini iki il qorudu, sonra onu da vətənə qurban verdi.
Qubadlı onun 18 yaşında işğal olunmuşdu. Bu həyata müstəqil insan kimi, kişi kimi atıldığı gün artıq torpağını ayağının altından çəkib aparmışdılar. Ancaq o səndirləmədi, bu böyük zərbədən özünə gəlib, ömrünü həmin o zərbənin əvəzini verməyə, ayağının altından çəkilən torpağa ayaq basmağa həsr etdi. Gün gəldi 27 intizarda qalan o torpağa polkovnik, Milli qəhrəman kimi mübarək addımını basdı. Elə həmin an da son damla qanını torpağa, alovların içindən qoruyub saxladığı Milli qəhrəman canını isə göylərə təslim etdi. Ruhun şad olsun, cənab polkovnik...
Информация по комментариям в разработке