Скачать или смотреть కన్నుల పండుగగా అభ్యంగన, మహా సంప్రోక్షణ సమేత కుంభాభిషేక పూర్వక వార్షిక బ్రహ్మోత్సవాలు | C NEWS

తమ గ్రామంలోని శ్రీ పద్దావతి భూదేవి సమేత శ్రీ వెంకటేశ్వరస్వామి వారి దేవస్థానం లో అభ్యంగన, మహా సంప్రోక్షణ సమేత కుంభాభిషేక పూర్వక వార్షిక బ్రహ్మోత్సవాలు కన్నుల పండుగగా జరుగుతున్నాయని కంకిపాడు మాజీ ఎంపీపీ దేవినేని రాజా అన్నారు.ఆలయ కమిటీ సభ్యులు, గ్రామ పెద్దలు, భక్తుల సమిష్టి సహకారంతో బ్రహ్మోత్సవాలు విజయవంతంగానిర్వహిస్తున్నారని తెలిపారు. ఆలయ అభివృద్ధికి తన వంతు సహకారం అందిస్తానని హామీ ఇచ్చారు.
ఈడుపుగల్లు గ్రామంలోని శ్రీ పద్దావతి భూదేవి సమేత శ్రీ వెంకటేశ్వరస్వామి వారి దేవస్థానం లో అభ్యంగన, మహా సంప్రోక్షణ సమేత కుంభాభిషేక పూర్వక వార్షిక బ్రహ్మోత్సవాలు అత్యంత వైభవంగా కొనసాగుతున్నాయి. ఈ నెల 4వ తేదీ నుండి 8వ తేదీ వరకు నిర్వహిస్తున్న ఈ మహోత్సవాలు భక్తిశ్రద్ధల మధ్య గ్రామంలో ఆధ్యాత్మిక వాతావరణాన్ని సృష్టిస్తున్నాయి. ప్రతిరోజూ వేదపండితుల మంత్రోచ్చారణల మధ్య ప్రత్యేక హోమాలు, అర్చనలు, స్వామివారి విశేష అలంకరణలు భక్తులను ఆకట్టుకుంటున్నాయి. 6వ తేదీ ఉదయం శుభ ముహూర్తంలో మహా కుంభాభిషేకం , 7వ తేదీన స్వామివారి కళ్యాణ మహోత్సవం భక్తుల సమక్షంలో భక్తిరసపూరితంగా జరగనుంది. 8వ తేదీన అన్నప్రసాద వితరణ కార్యక్రమాన్ని నిర్వహించేందుకు అని ఏర్పాట్లు చేస్తున్నారు. ఈ వేడుకలకు కంకిపాడు మాజీ ఎంపీపీ దేవినేని రాజా హాజరై స్వామివారిని దర్శించుకుని ప్రత్యేక పూజల్లో పాల్గొన్నారు. ఈ సందర్భంగా ఆయన మాట్లాడుతూ ఆలయ అభివృద్ధికి తన వంతు సహకారం అందిస్తానని తెలిపారు. ఆలయ కమిటీ సభ్యులు, గ్రామ పెద్దలు, భక్తుల సమిష్టి సహకారంతో బ్రహ్మోత్సవాలు విజయవంతంగా కొనసాగుతున్నాయన్నారు. అధిక సంఖ్యలో భక్తులు పాల్గొని స్వామివారి ఆశీస్సులు పొందుతున్నారనీ వివరించారు..