Скачать или смотреть ☸️

#ကျေးဇူးတော်ရှင်ဖားအောက်ဆရာတော်ကြီး

အင်္ဂလန်နိုင်ငံ ဘာမင်ဂန်မြို့၌ တည်ရှိသော
Birmingham Buddhist Vihara ကျောင်းတိုက်၌ (၆-၆-၂၀၀၅)တွင် ဟောကြားခဲ့သော တရားတော် ဖြစ်ပါသည်။

ဗုဒ္ဓသာသနာတော်သမိုင်းမှာ အတိုဆုံးသော တရားစကားကို နာကြားရရုံနဲ့ သောတာပန် (အရိယာ) ဖြစ်သွားခဲ့တဲ့သူကတော့ အရှင်သာရိပုတ္တရာလောင်း (ဥပတိဿပရိဗိုဇ်) ဖြစ်ပါတယ်။
သူ့ကို အရိယာအဖြစ် ရောက်ရှိစေခဲ့တဲ့ တရားကတော့ အရှင်အဿဇိမထေရ် ဟောကြားခဲ့တဲ့ "ယေဓမ္မာ" ဂါထာပဲ ဖြစ်ပါတယ်။

အရှင်အဿဇိမထေရ်က အောက်ပါဂါထာကို ရွတ်ဆိုပြခဲ့တာ ဖြစ်ပါတယ်-

"ယေ ဓမ္မာ ဟေတုပ္ပဘဝါ၊ တေသံ ဟေတုံ တထာဂတော အာဟ။
တေသဉ္စ ယော နိရောဓေါ၊ ဧဝံ ဝါဒီ မဟာသမဏော။"

မြန်မာပြန် အဓိပ္ပာယ်မှာ -
"အကျိုးတရားမှန်သမျှဟာ အကြောင်းတရားကြောင့် ဖြစ်ကြတာပါ။ အဲဒီအကြောင်းတရားကိုလည်း မြတ်စွာဘုရားက ဟောကြားတော်မူခဲ့ပါတယ်။ အဲဒီအကြောင်းတရားတွေ ချုပ်ငြိမ်းပုံကိုလည်း မြတ်စွာဘုရားက ဟောပြခဲ့ပါတယ်။ မြတ်စွာဘုရားဟာ ဤကဲ့သို့သော အယူဝါဒရှိတော်မူပါတယ်။"

ထူးခြားချက်များအနေနဲ့က တရားနာနေချိန်မှာ
ဥပတိဿပရိဗိုဇ်ဟာ ဒီဂါထာရဲ့ ရှေ့နှစ်ပါဒ
(ပထမနှစ်ကြောင်း) နာကြားရရုံနဲ့တင် တရားတော်ရဲ့ဆိုလိုရင်းသဘောကို ဥာဏ်ဖြင့်ထိုးထွင်းသိမြင်ပြီး သောတာပန် တည်ခဲ့ပါတယ်။ ဒီလိုထူးခြားတဲ့ ပါရမီ ဥာဏ်ရရှိဖို့ ပါရမီဖြည့်ကျင့်ခဲ့ရတဲ့ ကာလအနေနဲ့ "တစ်သင်္ချေနှင့် ကမ္ဘာတစ်သိန်း" ကြာမြင့်ခဲ့ပါတယ်။

ဆရာတော်ကြီး ဟောကြားခဲ့တဲ့
ဒီမဂ္ဂင်ရှစ်ပါးကျင့်စဉ်တရားကို ပြန်လည်နာကြားရင်း စဉ်းစားမိတဲ့အချက်က ဒီတရားတစ်ပုဒ်ကို (၆-၆-၂၀၀၅) အင်္ဂလန်နိုင်ငံ ဘာမင်ဂန်ဗုဒ္ဓဝိဟာရမှာ ဟောကြားခဲ့စဉ်က အချိန်အားဖြင့် ၂နာရီကျော်ကြာပါတယ်။

ဆရာတော်ကြီး ဘာဖြစ်လို့ ဒီလောက်အပင်ပန်းခံပြီး ဟောကြားသွားပါသလဲ?

တရားသိမ်းအနေနဲ့ လယ်တီဆရာတော်ကြီးရဲ့ ပါရမီဒီပနီတွေမှာလာရှိတဲ့ သံဝေဂဂါထာနဲ့ ဆရာတော်ကြီး တရားပွဲတွေအဆုံးသတ်လေ့ရှိတယ်။
ဓမ္မမိတ်ဆွေများ လေ့လာသိမ်းဆည်းလို့ရအောင် ထည့်သွင်းဖေါ်ပြလိုက်ပါတယ်။

🔹ဟိတွာ ကာမေ ပဗ္ဗဇိံသု၊သန္တော ဂမ္ဘီရစိန္တကာ။
တေ တုမှေပျနု သိက္ခာဝှေါ၊ပဗ္ဗဇိတာ သုပေသလာ။

🔹သန္တော- ဘုရားအလျာ ပစ္စေကာနှင့် အရိယာ
နွယ်လောင်း ဟို တို့ရှေ့က သူတော်ကောင်းတို့သည်၊
🔹ဂမ္ဘီရစိန္တကာ- နက်နဲသည့် ဓါတ်သဘောတွေကို နက်နဲစွာကြံစဉ် အကြံကောင်း ဝင်တော်မူကြကုန်သည်ဖြစ်၍၊
🔹ကာမေ- ရှေးကပြုဖန် ကုသိုလ်ကံတို့
စီမံထောက်မ လက်ရောက်ရသား၊ များလှဇနီးသည်ကြီးကြီးငယ်နှင့် နှီးနွယ်ရောယူကိုယ်တော်တို့ပိုင်သသည့် ကာမဝတ္ထု အစုစုတို့ကို၊
🔹ဟိတွာ- ငါတို့ပိုင်းငြား ဤကာမတရားတို့သည် အများနှင့်ဆက်ဆံဘေးတွေကဝန်းရံ ရန်တွေကမြောက်များ တကယ့်ကို ကြောက်လန့်ဖွယ်တွေပါတကားဟု ကြောက်အားတော် ဉာဏ်ကြွယ် လွတ်လွတ်ကြီး စွန့်ပယ်တော်မူကြကုန်သည်ဖြစ်၍၊
🔹ပဗ္ဗဇိံသု- ဃရာဝါသ သမ္ဗာဓဟု ကိစ္စများမြောင်လူတို့ဘောင် ဝဋ်နှောင်ကို လွတ်အောင်ကြုံးလျက်ရုန်းကန်ထွက်၍၊ နှစ်သက်ရွှင်လန်းရှင်ရဟန်းပြုကြလေကုန်ပြီ။
🔹တုမှေပိ-မြတ်နေက္ခမ္မ ဓါတ်အာသယဟုဆန္ဒကိန်းအောင်း သင်သူတော်ကောင်းတို့အပေါင်းတို့သည်လည်းပဲ၊
🔹ပဗ္ဗဇိတာ-ဝတ္ထုကာမ ဟူသမျှမှ မရအရ ကျုံးလျက်ရုန်းကန် ထွက်ကျကုန်သည်ဖြစ်၍၊
🔹သုပေသလာ-ဇာမရီသား မြီးဖျားခုံမင်
ပုံအသွင်သို့ ချစ်ခင်လေးမြတ် နှစ်သက်အပ်သောသီလ ကိုယ်စီကိုယ်ငှ ရှိကြကုန်သည်ဖြစ်၍၊
🔹တေ-ထိုဘုရားအလျားပစ္စေကာနှင့်အရိယနွယ်လောင်း ဟိုတို့ရှေ့ကသူတော်ကောင်းတို့ကို၊

🔹အနုသိက္ခာဝှေါ-အတုလိုက်ကာ ကျင့်တက်ရာကိုကျင့်ကာမသွေ အားထုတ်နိုင်ကြပါစေကုန်သတည်း။
☸️ 🙏🙏🙏 ☸️

မေတ္တာဖြင့်
‪@DhammaUK‬

☸️ မဂ္ဂင်ရှစ်ပါးကျင့်စဉ်တရား

   • ☸️ မဂ္ဂင်ရှစ်ပါးကျင့်စဉ်တရား  

ဆရာတော်ကြီး၏ တရား​တော်များကို လေ့လာနာယူ မှတ်သား၍ သူတော်ကောင်းတရားများ ကျင့်ကြံအားထုတ်သည့်အခါ မိမိတို့ လိုလားတောင့်တအပ်သော မြတ်နိဗ္ဗါန်ကို #မဂ္ဂင်ရှစ်ပါးကျင့်စဉ်တရား ဖြင့်
လွယ်ကူစွာမျက်မှောက်ပြုနိုင်ကြပါစေ။

#ကျေးဇူး​တော်ရှင်ဖား​အောက်ဆရာ​တော်
#ဖားအောက်တောရ
#ဖားအောက်ဆရာတော်
#PaAukSayadaw
#DhammaUK
#DhammaQandA
#KnowingAndSeeing
#Dhamma

​⁠​⁠