Скачать или смотреть ကော့ကွန်းဂူ - ဘားအံ

မင်္ဂလာပါရှင် … ကျွန်မတို့ မိသားစု အခုသွားလည်မဲ့နေရာကတော့ ဘားအံမြို့ တစ်ဖက်ကမ်း သံလွှင်တံတား အကျော်မှာရှိတဲ့ ကော့ဂွန်းဂူ ဖြစ်ပါတယ်ရှင်။ ကော့ဂွန်းဂူဟာ တစ်ခြား သွားလည်ခဲ့တဲ့ ဂူတွေနဲ့ မတူပါဘူး။ တစ်ဖက်ပိတ် ဂူအမျိုးအစား ဖြစ်ပါတယ်။ လိုဏ်ဂူအတွင်းနဲ့ ကျောက်သားနံရံတွေမှာ များပြားလှတဲ့ အုတ်ခွက်ဗုဒ္ဓဆင်းတုတော်တွေ ထောင်းသောင်းမက ထူးထူးခြားခြား တည်ရှိနေတဲ့ အပြင် ရှေးဟောင်း ကမ္ပည်းစာတွေ ရှေးလက်ရာ ရုပ်တုတွေ တည်ရှိတာကြောင့် ထူးခြားတဲ့ လိုဏ်ဂူတစ်ခုလို့ ဆိုနိုင်ပါတယ်ရှင့်။

ဘုရားသမိုင်းမှာ ဆိုထားတာကတော့ အနော်ရထာမင်းနဲ့ မနူဟာမင်း စစ်ဖြစ်ပွားချိန်မှာ မနူဟာမင်းရဲ့ မိဘုရားဖြစ်တဲ့ မုတ္တမ မိဘုရားကြီးဟာ ထွက်ပြေးတိန်းရှောင်ရင်း ကော့ဂွန်းဂူကို ရောက်ပြီး နံရံကပ် ဗုဒ္ဓရုပ်ပွားတော်တွေ၊ ဆင်းတုတော်တွေ အုပ်ခွက်ဘုရားတွေ ထုလုပ်ပူဇော်ခဲ့တယ်လို့ အဆိုရှိပါတယ်ရှင့်။