Animal Trap - Habaka | හබක (වණ සතුන් ඝාතනය කෙරෙනා වැද්දන්ගේ මර උගුල්)

" හැම වැඩටම වඩා වැද්දන් ප්‍රිය කරන්නේ දඩයමට ය. සාර්ථක දඩයමකින් ඔවුන් ලබන ප්‍රීතිය නිම්හිම් නැත. දඩයම අසාර්ථක වූ විට ඔවුහු මහත් කනස්සලු ව කිපෙති. මොවුහු කුඩා කණ්ඩායම් වශයෙන් සෑදී බල්ලන් ද කැටුව ආහාර සොයා ඈත ඇවිදින්නා හ. වැද්දෝ දක්ෂ ගස් නගින්නෝ ය, සමර්ථ ලුහුබඳින්නෝ ය, සූර කුරුමානම් අල්ලන්නෝ ය. ඔවුන් හිස් අතින් ගෙදර එන්නේ කලාතුරකිනි. දඩයමට වැද්දාගේ ඇති දක්ෂභාවය ප්‍රකට ය. සිංහලයන්ගේ ඊතල, කැති, පොරෝ ආදිය ගෙන ඒ වෙනුවට ඔවුන්ට මස් සපයා දුන්නේ වැද්දා ය. ප්‍රභූවරයන්ට හා රජ මාලිගාවට පවා මස් ලැබුනේ ඔවුන්ගෙනි. වැද්දෝ කැලයත්, සිවුපා කුරුළු ආදීන්ගේ ගති පැවතුමුත් හොඳින් දනිති. යන්තම්වත් ශබ්ද නො කර ඉක්මනටත් නිහඬවත් ගමන් කිරීමට වැද්දා දනී. කුරුමානම් ඇල්ලීමෙහි මොහු කොතරම් දක්ෂ ද යත් ඕනෑම සතෙකුට ලේසියෙන් පහර දීමට තරම් කිට්ටුවන්නට ඔහු දනී. එහෙත් මොනරා පමණක් මීට අසු නොවේ. කැලේ ගිරිහෙල්, වංගු පාරවල්, කඳු ගොඩැලි හා හොර පාරවල් ද ඔහු හොඳින් දනී. අලි, කොටි, වල් මීමුන් හා වළසුන් ට මොහු බය නැත. වළසා හැර අන් හැම සතකුගෙන්ම බේරෙන්නට ඔහුට හැකිය. ඌට අසු වුවොත් ඇඟට පැන සපා හූරා කනු ලැබේ. මුගෙන් සැපුම් කා අඟපසඟ අඩුව සිටින වැද්දෝ ඌ හමුවුනොත් විනාශ කර දමන බවට දෙස් කියති. මරුවැල, හබක හා උගුල් තුවක්කු යෙදීම ඔහු දනී. මේවා දුනු හී වෙනුවට අතිරේක වශයෙන් ඇති ආවුද ය. "

- වැද්දන්ගේ විකාශන ක්‍රමය - නන්දදේව විජේසේකර -
වීඩියෝව උපුටාගැනීම kasun lakmal premadasa මහතාගේ Fack book ගිනුමෙනි.

#sir_lanka_archaeology #archaeology #archaeology_sri_lanka #weddo #wedda #sri_lanka #traps #sri_lanka_travel #danigala