Скачать или смотреть " သမုဒယသစ္စာ " တရားတော်

တရားတော်ကြီးကို ၂၀၂၄ခုနှစ် ဧပြီလ(၁၇)ရက်နေ့တွင် ဆရာတော် အရှင်အရိယဓမ္မသည် ဒဂုံမြို့သစ်ဆိပ်ကမ်းမြို့နယ်၊ ၈၂ရပ်ကွက်၊ သစ္စာ လေးတန် မဟာသတိပဌာန် ကမ္မဌာန်း ကျောင်းတိုက်ကြီး၏ ဓမ္မဓိန္နာဓမ္မာရုံတော်ကြီးတွင် ကျင်းပသော ၁၄ကြိမ်မြောက် ၁၀ရက် သက်ြန်အထူးတရားကြီး၏ ပဉ္စမ‌နေ့တွင် ဟောကြားခဲ့ပါသည်။
တရား‌တော်ကြီးသည် ရှေ့တွင်ဟောကြားခဲ့သော ဒုက္ခဆိုတဲ့ အကျိုးရလာဒ်တွေ ဖြစ်ပေါ်လာရတာဟာ နောက်ကအကြောင်းတရားအဖြစ် ပံ့ပိုးနေတဲ့ တရားကို ဟောထားတာဖြစ်ပါတယ်... ဒီအကြောင်းတရားကို ဘုရားရှင် သိလျှင်သိသိခြင်း ကြုံးဝါးအနိုင်ယူခဲ့တာ ဖြစ်ပါတယ်... ဒီတရားကို လက်သမားအဖြစ် ခိုင်းနှိုင်းပီး တဏှာဆိုပီး ဘုရားရှင်က အမည်ပေးခဲ့ပါတယ်...
သူ့ရဲ့ ထူးခြားသော အရည်အချင်းတွေနဲ့ ပြည်စုံနေပြီး တချက်ချင်းစီ ဘုရားရှင်က ရှင်းပြခဲ့ပါတယ်... ဒီတဏှာကို ဘုရားရှင်က သိလျှင်သိခြင်း ပယ်သတ်ခဲ့ပြီး လောကမှာ မြင်နိုင်ခဲဆုံး ပိန်းပိတ်အောင် မှောင်နေတဲ့ အမှောင်တရားကြီးကို ဖောက်ထွင်းနိင်ခဲ့ပါတယ်... တဏှာမှာ (၃) မျိုးရှိပြီး မိခင်ဝမ်းမှာကတည်းက သူက စတင်စီစဥ်နေပါပီ... ငယ်ရွယ်စဥ်မှာလည်း တောက်လျှောက် တဏှာ ရဲ့ အသုံးတော်ခံအဖြစ် ဆောင်ရွက်ကြရပီး လူလတ်ပိုင်းမှာလည်း နဖူးကချွေး ခြေမကျရ‌အောင်အထိ တဏှာ အခိုင်းကို ပျော်ပျော်ကြီး လုပ်ရပါတယ်... အိပ်ခြင်းက စပြီး မျက်စိ ၂ လုံးဖွင့် ပြီး တရစပ်မလပ် တဏှာဟာ တခုပီးတခုကို မနားတမ်းခိုင်းစေတာပါ...
ထူးခြားတာကတော့ သူခိုင်းသမျှ၊ သူလိုချင်သမျှဟာ ပြဿနာတောထဲ၊ ဒုက္ခတွင်းထဲရောက်အောင် နောက်ဆုံး မိမိသေတွင်း မိမိ တူးမှန်းမသိ တူးနေတဲ့အဆင့်ထိကို အခိုင်းခံနေရတာပါ... ဘယ်လိုမှ လွန်ဆန်လို့မရနိင်ပါဘူး... နောက်ဆုံး ဆေးရုံကုတင်ပေါ်ရောက်တဲ့ အဆင့်ထိလည်း မသိ‌သေးဘူး... ရအောင်တွယ်ကပ်ပီး ကြိုးစားဆဲပါပဲ.. လောကမှာ မိခင်၀မ်းက မွေးလာကတည်းက အိပ်ချိန်ပါမကျန် အနားမပေးဘဲ အခိုင်းခံဘဝနဲ့ သူ့အလိုကျ ပေးဆပ်ပီးနေလာလိုက်ရတာ နောက်ဆုံး သေပီးတာတောင် သံသရာမှာ ဆက်ပီး ကျွန်ပြုနေမယ့် တဏှာလက်သမားကို ဘုရားရှင် ဘယ်လို ရှာဖွေခဲ့ပီး တဏှာရဲ့ အလုပ်လုပ်ပုံ၊ စီရင်ပုံ၊ ပူးသတ်ပုံ၊ လှုံ့ဆော်ပုံ၊ များကို ဟောကြားထားသည့် တရားတော်ဖြစ်သည့်အတွက် တရားချစ်ခင် သူတော်ကောင်းအပေါင်းနာနိင်ရန် တင်ပြလိုက်ရပါသည်...။

ဆရာတော်ဟောကြားထားသော တရားတော်များကို နာယူလိုသော တရားနာပရိတ်သတ်များ သည် Telegram ကို သွားရောက်နာယူနိုင်ရန် အောက်မှာ လင့်ခ်ထုတ်ပေးထားပါသည်...။
           
သာဓု     သာဓု  သာဓု

Telegram Link
https://t.me/fournobeltruthvideo/158